ଚେନ୍ନାଇ : ଦକ୍ଷିଣ ଭାରତୀୟ ଫିଲ୍ମର କୋରିଓଗ୍ରାଫର ଶିବ ଶଙ୍କରଙ୍କ ଗତକାଲି ରାତିରେ ଦେହାନ୍ତ ହୋଇଯାଇଛି । ମୃତ୍ୟୁବେଳକୁ ତାଙ୍କୁ ୭୨ ବର୍ଷ ବୟସ ହୋଇଥିଲା । କିଛି ଦିନ ପୂର୍ବରୁ ସେ କରୋନାରେ ଆକ୍ରାନ୍ତ ହୋଇଥିଲେ । ତାଙ୍କର ଚିକିତ୍ସା ପାଇଁ ହାଇଦ୍ରାବାଦ ସ୍ଥିତ ଆଇଜି ହସ୍ପିଟାଲରେ ଭର୍ତ୍ତି କରାଯାଇଥିଲା । ନିକଟରେ ବଲିଉଡ ଅଭିନେତା ସୋନ ସୁଦ ତାଙ୍କର ଉତ୍ତମ ଚିକିତ୍ସା ପାଇଁ ସାହାଯ୍ୟର ହାତ ବଢାଇଥିଲେ । କରୋନାରେ ଆକ୍ରାନ୍ତ ହେବା ପରେ ତାଙ୍କର ସ୍ୱାସ୍ଥ୍ୟାବସ୍ଥା ବିଗିଡି ଯାଇଥିଲା । ତେଣୁ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା । ଗତକାଲି(ରବିବାର)ରାତିରେ ସେ ତାଙ୍କର ଶେଷ ନିଶ୍ୱାସ ତ୍ୟାଗ କରିଥିଲେ । ଶିବ ଶଙ୍କରଙ୍କ ମୃତ୍ୟୁ ହେବାପରେ ସାଉଥ ଇଣ୍ଡଷ୍ଟ୍ରିକୁ ଏକ ବଡ ଝଟକା ଲାଗିଛି ।
ଶିବ ଶଙ୍କରଙ୍କ ମୃତ୍ୟୁ ବିଷୟରେ ସୂଚନା ପାଇବା ପରେ ଚଳଚ୍ଚିତ୍ର ନିର୍ମାତା ଏସ୍ ରାଜା ମୌଲି ଏବଂ ସୋନୁ ସୁଦଙ୍କ ସମେତ ଅନେକ ତାରକା ଦୁଃଖ ପ୍ରକାଶ କରିଛନ୍ତି ।