ନୂଆଦିଲ୍ଲୀ : ଦୀର୍ଘ ଦିନ ଧରି କଂଗ୍ରେସରେ ବିଦ୍ରୋହୀ ସ୍ୱର ଉତ୍ତୋଳନ କରିଥିବା ପୂର୍ବତନ କେନ୍ଦ୍ର ମନ୍ତ୍ରୀ କପିଲ ସିବଲ ଦଳରୁ ଇସ୍ତଫା ଦେଇଛନ୍ତି । ସମାଜବାଦୀ ପାର୍ଟିର ସମର୍ଥନରେ ସେ ରାଜ୍ୟସଭା ପାଇଁ ସ୍ୱାଧୀନ ପ୍ରାର୍ଥୀ ଭାବେ ନାମାଙ୍କନପତ୍ର ଦାଖଲ କରିବା ପରେ ସେ ଏହା ପ୍ରକାଶ କରିଥିଲେ । ସାମ୍ବାଦିକମାନଙ୍କ ସହ କଥାବାର୍ତ୍ତା କରି କପିଲ ସିବଲ ପ୍ରକାଶ କରିଛନ୍ତି ଯେ ସେ କଂଗ୍ରେସରୁ ଇସ୍ତଫା ଦେଇଛନ୍ତି । ସେ ନିଜେ ମେ ୧୬ ରେ କଂଗ୍ରେସରୁ ଇସ୍ତଫା ଦେଇଥିଲେ ।
କଂଗ୍ରେସରୁ ଇସ୍ତଫା ଦେଇଥିବା କପିଲ ସିବଲ କହିଛନ୍ତି ଯେ ଆମେ ବିରୋଧୀ ଦଳରେ ରହି ଏକ ମେଣ୍ଟ ଗଠନ କରିବାକୁ ଚାହୁଁଛୁ ଯାହା ଦ୍ୱାରା ସେମାନେ ମୋଦୀ ସରକାରଙ୍କୁ ବିରୋଧ କରିବେ । ଆମେ ଚାହୁଁ ଯେ ୨୦୨୪ ମସିହାରେ ଭାରତରେ ଏଭଳି ପରିବେଶ ସୃଷ୍ଟି ହେବା ଉଚିତ ଯେ ମୋଦୀ ସରକାରଙ୍କ ତ୍ରୁଟି ଜନସାଧାରଣଙ୍କ ନିକଟରେ ପହଞ୍ଚାଯାଉ । ମୁଁ ନିଜେ ଏହାକୁ ଚେଷ୍ଟା କରିବି । ”ସିବଲ ଏହା ମଧ୍ୟ କହିଛନ୍ତି ଯେ ତାଙ୍କୁ ସମସ୍ତ ଦଳ ସମର୍ଥନ କରିଛନ୍ତି ।
ସିବଲଙ୍କ ପ୍ରାର୍ଥୀପତ୍ର ଦାଖଲ ସମୟରେ ସମାଜବାଦୀ ପାର୍ଟିର ଅଧ୍ୟକ୍ଷ ଅଖିଲେଶ ଯାଦବ ମଧ୍ୟ ଉପସ୍ଥିତ ଥିଲେ । ସେହିପରି ସପା ନେତା ଆଜମ ଖାନ ମଧ୍ୟ ସିବଲଙ୍କୁ ସ୍ୱାଗତ ଜଣାଇଛନ୍ତି ।