ଦେଶରେ କରୋନା ମହାମାରୀ ଯୋଗୁଁ ବହୁ ରାଜ୍ୟରେ ଏବେ ଲକଡାଉନ ଜାରି ରହିଛି । ଏହି ସମୟ ନିତ୍ୟ ବ୍ୟବହାର୍ଯ୍ୟ ଜିନିଷକୁ ଛାଡିଦେଲେ ଅନ୍ୟ ସମସ୍ତ ଦୋକାନବଜାର, ହୋଟେଲ, ରେଷ୍ଟୁରାଣ୍ଟ ଆଦି ବନ୍ଦ ରହିଛି । ଏହି କାରଣରୁ ବହୁ ବୁଲା କୁକୁର, ଗାଈ, ଷଣ୍ଢ ଭୋକ ବିକଳରେ ମୃତ୍ୟୁମୁଖରେ ପଡୁଛନ୍ତି । ବୁହ ସଂଗଠନ ପକ୍ଷରୁ ଏହି ବୁଲା କୁକୁରମାନଙ୍କ ଖାଦ୍ୟ ବ୍ୟବସ୍ଥା ମଧ୍ୟ କରାଯାଉଛି । କିନ୍ତୁ ରାଞ୍ଚିର ୨୫ ବର୍ଷିୟ ଆର୍ଚି ସେନ୍ ନିଜ ସଂଚିତ ଅର୍ଥରୁ ପ୍ରତିଦିନ ୨୦୦ କୁକୁରଙ୍କୁ ଖାଦ୍ୟ ବାଣ୍ଟୁଛନ୍ତି ।
ରାଞ୍ଚିର ମୁରାହାବାଡି ଗ୍ରାଉଣ୍ଡରେ ସେ ଏହି କାମ କରୁଥିବା ଦେଖିବାକୁ ମିଳୁଛି । ଆଜିର ସମୟରେ ଯେତେବେଳେ ଅଧିକାଂଶ ଲୋକ ମହାମାରୀ ମଧ୍ୟରେ ଘରୁ ବାହାରକୁ ଯିବାକୁ ପସନ୍ଦ କରୁନାହାନ୍ତିଁ, ଆର୍ଚିଙ୍କ ଏହି ମହତ କାମ ଲୋକମାନେ ଖୁବ ପ୍ରଶଂସା କରିଛନ୍ତି । ସର୍ବପ୍ରଥମେ, ଆର୍ଚି ତାଙ୍କ ଘର ଚାରିପାଖରେ ରହୁଥିବା ଦୁଇ କିମ୍ବା ତିନି କୁକୁରକୁ ଖାଇବାକୁ ଦେବା ଆରମ୍ଭ କଲେ । ଏହା ପରେ, ଏହି କୁକୁରମାନଙ୍କ ସଂଖ୍ୟା ଧୀରେ ଧୀରେ ବୃଦ୍ଧି ପାଇଲା । ସେ ବର୍ତ୍ତମାନ ୨୦୦ ବୁଲା କୁକୁରକୁ ଖାଇବାକୁ ଦେଉଛନ୍ତି । ଏହି କୁକୁରମାନଙ୍କ ପାଇଁ ଟୀକାକରଣ ପାଇଁ ଆରକି ମଧ୍ୟ ସମ୍ପୂର୍ଣ୍ଣ ବ୍ୟବସ୍ଥା କରିଛନ୍ତି । ତାଙ୍କ ପିତା ସଞ୍ଜିତ କୁମାର ସେନ୍, ଯିଏ ଅବସରପ୍ରାପ୍ତ ମେକାନିକାଲ୍ ଇଞ୍ଜିନିୟର, ଆର୍ଚ଼ିଙ୍କର ଏହି ଉତ୍ତମ କାର୍ଯ୍ୟ ପାଇଁ ତାଙ୍କ ମଧ୍ୟ ତାଙ୍କୁ ସାହାଯ୍ୟ କରୁଛନ୍ତି ।