ପାନଜୀ : ଆମ୍ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପୂର୍ବତନ ଗୋଆ ସିଏମ ମନୋହର ପାରିକରଙ୍କ ପୁଅ ଉତ୍ପଳଙ୍କୁ ଆପ ଦଳରେ ଯୋଗଦେବାକୁ ନିମନ୍ତ୍ରଣ କରିଛନ୍ତି । ଉତ୍ପଳଙ୍କୁ ବିଜେପି ଟିକେଟ ଦେଇନଦେବାକୁ ନିଷ୍ପତ୍ତି ନେବା ପରେ କେଜ୍ରିୱାଲଙ୍କ ତରଫରୁ ଏହି ନିମନ୍ତ୍ରଣ ଦିଆଯାଇଛି ।
କେଜ୍ରିୱାଲ ଏକ ଟୁଇଟ୍ରେ କହିଛନ୍ତି ଯେ ଗୋଆର ଲୋକଙ୍କ ପାଇଁ ଏହା ଅତ୍ୟନ୍ତ ଦୁଃଖଦାୟକ ଯେ ପାରିକର ପରିବାର ସହ ମଧ୍ୟ ବିଜେପି ଥ୍ରୋ ନୀତି ଆପଣେଇଛି । ମୁଁ ସବୁବେଳେ ମନୋହର ପାରିକର ଜୀଙ୍କୁ ସମ୍ମାନ କରେ । ଆପରେ ସାମିଲ ହୋଇ ନିର୍ବାଚନ ମୈଦାନଙ୍କୁ ଓହ୍ଲାଉନ୍ତୁ ବୋଲି ଉତ୍ପଳଙ୍କ ଉଦ୍ଦେଶ୍ୟରେ କେଜ୍ରି କହିଛନ୍ତି ।
ଗୋଆ ବିଧାନସଭା ନିର୍ବାଚନ ପାଇଁ ଭାରତୀୟ ଜନତା ଦଳ ନିଜର ୩୪ ଜଣ ପ୍ରାର୍ଥୀ ଘୋଷଣା କରିଛନ୍ତି । ରାଜ୍ୟର ମୋଟ ୪୦ ଟି ସିଟ୍ ମଧ୍ୟରୁ କେବଳ ୬ ଜଣ ପ୍ରାର୍ଥୀ ସ୍ଥିର ହୋଇନାହାଁନ୍ତି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ପାନଜୀ ଆସନରୁ ପାର୍ଟି ଆଟାନସିଓ ମାନସରେଟ୍ଙ୍କୁ ଟିକେଟ୍ ଦେଇଛି ।