ଅମୃତସର,୭/୧: ଏଠାରେ ବିଦେଶରୁ ଆସି ପହଞ୍ଚୁଥିବା ବିମାନଯାତ୍ରୀ ଏବେ ରାଜ୍ୟ ତଥା ଦେଶ ପାଇଁ ଚିନ୍ତାର କାରଣ ହେଲାଣି । ଗତକାଲି ଏଠାରେ ପହଞ୍ଚିଥବା ବିମାନଯାତ୍ରୀଙ୍କ ମଧ୍ୟରୁ ୧୨୫ ଜଣ ପଜିଟିଭ ଚିହ୍ନଟ ହୋଇଥିଲା ବେଳେ ଆଜି ଆଉ ୧୭୩ ଜଣ ପଜିଟିଭ ବାହାରିଛନ୍ତି । ଏହି ବିମାନରେ ଥିବା ୧୭୩ ଯାତ୍ରୀଙ୍କ ଟେଷ୍ଟ ରିପୋର୍ଟ ପଜିଟିଭ୍ ଆସିଛି । ନାଇସ୍ ଏୟାରଲାଇନର ବିମାନ ମୋଟ୍ ୨୯୦ ଯାତ୍ରୀଙ୍କୁ ନେଇ ମିଲାନ ସହରରୁ ଅମୃତସର ପହଞ୍ଚିଛି । ସମସ୍ତ ଯାତ୍ରୀଙ୍କୁ ଅମୃତସରରେ କ୍ୱାରେଣ୍ଟାଇନ୍ କରାଯାଇଛି । ଗୁରୁବାର ମଧ୍ୟ ଇଟାଲୀରୁ ଆସିଥିବା ଆଉ ଏକ ବିମାନରେ ୧୭୦ ଯାତ୍ରୀଙ୍କ ମଧ୍ୟରୁ ୧୨୫ ସଂକ୍ରମିତ ଚିହ୍ନଟ ହୋଇଥିଲେ ।