ନୂଆଦିଲ୍ଲୀ : କଂଗ୍ରେସ ଦଳର ନୂତନ ଅଧ୍ୟକ୍ଷ ନିର୍ବାଚନ ପାଇଁ ତାରିଖ ଘୋଷଣା କରାଯାଇଛି । ଅକ୍ଟୋବର ୧୭ ରେ ନୂତନ ଅଧ୍ୟକ୍ଷ ନିର୍ବାଚନ ପାଇଁ ଭୋଟ୍ ଗ୍ରହଣ ହେବ । ୧୯ ଅକ୍ଟୋବରରେ ଗଣତି ହେବ । ଏହାପୂର୍ବରୁ କଂଗ୍ରେସ କାର୍ଯ୍ୟକାରୀ କମିଟିର ଏକ ଭର୍ଚୁୁଆଲ୍ ବୈଠକ ଅନୁଷ୍ଠିତ ହୋଇଥିଲା । ଏଥିରେ ମଧ୍ୟବର୍ତ୍ତୀକାଳୀନ ଅଧ୍ୟକ୍ଷ ସୋନିଆ ଗାନ୍ଧୀ, ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଏବଂ ପ୍ରିୟଙ୍କା ଗାନ୍ଧୀ, ସାଂସଦ ରାହୁଲ ଗାନ୍ଧୀ ଯୋଗ ଦେଇଥିଲେ ।
କଂଗ୍ରେସ କାର୍ଯ୍ୟକାରୀ କମିଟିର ବୈଠକ ପରେ ଦଳ ଏକ ନୂଆ ଅଧ୍ୟକ୍ଷ ଚୟନ କରିବାକୁ ନିଷ୍ପତ୍ତି ନେଇଛି । ଦଳର ସଭାପତି ନିର୍ବାଚନ ପାଇଁ କାର୍ଯ୍ୟସୂଚୀ ମଧ୍ୟ ପ୍ରକାଶ ପାଇଛି । ସେହି ଅନୁଯାୟୀ, ସେପ୍ଟେମ୍ବର ୨୨ ରେ ବିଜ୍ଞପ୍ତି ଜାରି କରାଯିବ । ସେପ୍ଟେମ୍ବର ୨୪ ନାମାଙ୍କନ ଦାଖଲ ପାଇଁ ଦିନ ଧାର୍ଯ୍ୟ କରାଯାଇଥିବା ବେଳେ ନାମାଙ୍କନ ପ୍ରତ୍ୟାହାର ପାଇଁ ସେପ୍ଟେମ୍ବର ୩୦କୁ ସ୍ଥିର କରାଯାଇଛି । ଏହା ପରେ ଅକ୍ଟୋବର ୧୭ରେ ନିର୍ବାଚନ ଏବଂ ଅକ୍ଟୋବର ୧୯ ରେ ଭୋଟ୍ ଗଣନା କରାଯିବ ।