କୋଲକାତା,୩/୪ : କୋଲକାତା ବିମାନ ବନ୍ଦରରେ ତିନିଜଣ ଆଫ୍ରିକୀୟ ଯାତ୍ରୀଙ୍କ ଠାରୁ ୧୧୩ କୋଟି ଟଙ୍କାର ହୋରୋଇନ ଜବତ ହୋଇଛି । ଜବତ ହେରୋଇନର ଓଜନ ୧୬.୧୫ କିଗ୍ରା ବୋଲି ଜଣାପଡ଼ିଛି । ଜଣେ ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି । ଡିଆରଆଇ ଏକ ଗୁପ୍ତ ସୂଚନା ଆଧାରରେ କାର୍ଯ୍ୟାନୁଷ୍ଠାନ ଗ୍ରହଣ କରି କେନିଆର ଜଣେ ପୁରୁଷ ଓ ମହିଳା ଏବଂ ମଲାୱିର ଜଣେ ମହିଳା ଯାତ୍ରୀଙ୍କୁ ବିମାନ ବନ୍ଦରରେ ଯାଞ୍ଚ ପାଇଁ ଅଟକାଇ ଥିଲେ । ସେହି ତିନିଜଣ ବ୍ୟକ୍ତିଙ୍କ ଟ୍ରଲି ବ୍ୟାଗ ଯାଞ୍ଚ କରିବା ସମୟରେ ବାଦାମି ରଙ୍ଗର ପାଉଡର ଥିବା ୧୪ଟି ପ୍ୟାକେଟ ବାହାରିଥିଲା । ସେହି ପ୍ୟାକେଟରେ ହେରୋଇନ ଥିଲା ବୋଲି ଜଣାପଡ଼ିଥିଲା । ଅଟକାଥିବା ୩ ଜଣରୁ ଦୁଇ ଜଣ ବ୍ୟକ୍ତି ମେଡ଼ିକାଲ ଭିସା ଓ ଜଣେ ବ୍ୟକ୍ତି ବ୍ୟବସାୟିକ ଭିସାରେ ଭାରତ ଆସିଥିଲେ ।