କୋଲକତା : ଭାରତୀୟ ଜନତା ପାର୍ଟି ଛାଡି ତୃଣମୂଳ କଂଗ୍ରେସରେ ଯୋଗ ଦେଇଥିବା ପୂର୍ବତନ କେନ୍ଦ୍ର ମନ୍ତ୍ରୀ ବାବୁଲ ସୁପ୍ରିଓ ଆଜି ବଙ୍ଗଳା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଭେଟିବେ । ବୌଠକ ପୂର୍ବରୁ ସେ ମମତାଙ୍କୁ ୨୦୨୪ ରେ ବିରୋଧୀଙ୍କ ଚେହେରା ବୋଲି ବର୍ଣ୍ଣନା କରିଛନ୍ତି ।
ବାବୁଲ ସୁପ୍ରିଓ କହିଛନ୍ତି ଯେ ପ୍ରଧାନମନ୍ତ୍ରୀ ପଦ ପାଇଁ ମମତା ହେଉଛନ୍ତି ସବୁଠାରୁ ଶକ୍ତିଶାଳୀ ପ୍ରାର୍ଥୀ । ସେ ଏଏନ୍ଆଇକୁ କହିଛନ୍ତି ଯେ ମୁଁ ମମତା ବାନାର୍ଜୀଙ୍କୁ ୨୦୨୪ ରେ ପ୍ରଧାନମନ୍ତ୍ରୀ ଭାବେ ଦେଖିବାକୁ ଚାହୁଁଛି ଏବଂ ଏହି ସମୟରେ ସେ ବିରୋଧୀ ଦଳର ସବୁଠାରୁ ଶକ୍ତିଶାଳୀ ପ୍ରାର୍ଥୀ ବୋଲି କହିଛନ୍ତି ।
ସେ କହିଛନ୍ତି ଯେ ଟିଏମସି ଫେରିବା ପରେ ମୁଁ କୌଣସି ଇତିହାସ ସୃଷ୍ଟି କରି ନାହିଁ । ମୁଁ ଦଳର ୧୧ ଖେଳାଳିଙ୍କ ମଧ୍ୟରୁ ଜଣେ ହେବାକୁ ଚାହୁଁଥିଲି । ତୃଣମୂଳ କଂଗ୍ରେସ ମୋତେ ଏହି ସୁଯୋଗ ଦେଇଛି, ତେଣୁ ମୁଁ ଟିଏମସିରେ ଯୋଗ ଦେଲି ବୋଲି ସେ କହିଛନ୍ତି । ବଙ୍ଗଳା ନିର୍ବାଚନ ପୂର୍ବରୁ ଅନ୍ୟାନ୍ୟ ଦଳର ଲୋକ ବିଜେପିରେ ଯୋଗ ଦେଇଥିଲେ । ପୁରୁଣା ବିଜେପି ନେତାଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଦଳ ତାଙ୍କ ସହ କଥା ହେବା ଉଚିତ କିନ୍ତୁ ଦଳତାହା କରୁନି ବୋଲି ସେ କହିଥିଲେ ।