ଜାଲୋର : ଇଚ୍ଛା ଶକ୍ତି,ଦୃଢ ସଂକଳ୍ପ ଓ ପ୍ରଗାଢ ନିଷ୍ଠା ଥିଲେ ଦିନେ ନା ଦିନେ ସଫଳତା ମିଳିଥାଏ । ବୟସ ବି ତା ଆଗରେ ହାର ମାନେ । ଏହାର ଅନ୍ୟ ଏକ ଦୃଷ୍ଟାନ୍ତ ହେଉଛନ୍ତି ହୁକାମଦାସ ବୈଷ୍ଣବ । ପରିଣତ ବୟସ । ବୟସ ଆସି ୭୭ରେ ପହଞ୍ଚିଲାଣି । କିନ୍ତୁ ଇଚ୍ଛା ଶକ୍ତି ଅସୀମ । ଏହି ପରିଣତ ବୟସରେ ସେ ଯେଉଁ ବିରଳ ସଫଳତା ପାଇଛନ୍ତି,ତାହା ଚକିତ କରିଦେଲା ଭଳି । ୭୭ ବର୍ଷ ବୟସରେ ଦଶମ ପାସ୍ କରିଛନ୍ତି ଏହି ବୃଦ୍ଧ ହୁକାମଦାସ୍ । ସେ ୫୬ ଥର ଦଶମ ଶ୍ରେଣୀ ପରୀକ୍ଷାରେ ଫେଲ୍ ହେବା ପରେ ୫୭ତମ ପରୀକ୍ଷାରେ ସଫଳତାର ସହିତ ଉତ୍ତୀର୍ଣ୍ଣ ହୋଇଛନ୍ତି । ଏବେ ସେ ଦ୍ୱାଦଶ ପରୀକ୍ଷା ପାଇଁ ଫର୍ମ ମଧ୍ୟ ପୂରଣ କରିଛନ୍ତି । ତାଙ୍କ ଘର ରାଜସ୍ଥାନର ଜାଲୋର ଜିଲ୍ଲାର ସର୍ଦ୍ଦାରଗଡ଼ରେ । ହୁକାମଦାସ ୧୯୬୨ରୁ ଦଶମ ପାସ୍ କରିବାକୁ ଚେଷ୍ଟା କରିଥିଲେ, ଯାହା ୨୦୧୯ରେ ସଫଳ ହୋଇଥିଲା ।