କୋଲ୍କାତା: ୨୦୨୦ ଗୋରୁ ଚୋରାଚାଲାଣ ମାମଲାରେ ଆଜି ‘ସିବିଆଇ’ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କର ଘନିଷ୍ଠ ସହଯୋଗୀ ତଥା ବୀରଭୂମ ଜିଲ୍ଲା ‘ଟିଏମ୍ସି’ ସଭାପତି ଅନୁବ୍ରତ ମଣ୍ଡଳଙ୍କୁ ତାଙ୍କ ବାସଭବନରୁ ଗିରଫ କରିଛି।
ଏହା ପୂର୍ବରୁ ମଣ୍ଡଳ ୧୦ ଥର ‘ସିବିଆଇ’ର ସମନ୍ ଏଡ଼ାଇ ଥିଲେ। ସେଥିପାଇଁ ‘ସିବିଆଇ’କୁ ଅଦାଲତର ଆଶ୍ରୟ ନେବାକୁ ପଡ଼ିଥିଲା। ଶେଷ ସମନ୍ ପାଇବା ପରେ ଇ-ମେଲ୍ କରି ମଣ୍ଡଳ ଜଣାଇଥିଲେ କି, ‘ମେଡିକାଲ୍ ଚେକ୍-ଅପ୍’ ଥିବାରୁ ସେ ‘ସିବିଆଇ’ କାର୍ଯ୍ୟାଳୟରେ ହାଜର ହୋଇପାରିବେ ନାହିଁ।
ତଦନ୍ତ ସମୟରେ ପୂର୍ବରୁ ମଧ୍ୟ ‘ସିବିଆଇ’ ମଣ୍ଡଳଙ୍କୁ ୨ଥର ଜେରା କରିଥିଲା।