ମୁମ୍ବାଇ : ଡିପେଣ୍ଡିଂ ଚମ୍ପିଆନ ଚେନ୍ନାଇ ସୁପର କିଙ୍ଗ୍ସକୁ ଏକ ବଡ ଝଟକା ଲାଗିଛି । ଦଳ ଏ ପର୍ଯ୍ୟନ୍ତ ୫ଟି ମ୍ୟାଚରୁ ୪ଟି ପରାଜୟ ଭୋଗିଥିବା ବେଳେ ଷ୍ଟାର ବୋଲର ଦୀପକ ଚହର ଆଇପିଏଲ-୧୫ ସିଜିନରୁ ବାହର ହୋଇଯାଇଛି । ଆହତ କାରଣରୁ ସିଏସକେ ଦ୍ରୁତ ବୋଲର ଦୀପକ ଚହରଙ୍କୁ ଆଇପିଏଲର ୧୫ ତମ ସିଜିନରୁ ବାଦ୍ ଦିଆଯାଇଛି । ସିଏସକେ ବ୍ୟତୀତ କୋଲକାତା ନାଇଟ୍ ରାଇଡର୍ସର ଜଣେ ଖେଳାଳି ମଧ୍ୟ ଏହି ଟୁର୍ନାମେଣ୍ଟରୁ ବାଦ ପଡିଛନ୍ତି । ତେବେ ଚେନ୍ନାଇ ସୁପର କିଙ୍ଗ୍ସ ଚହରଙ୍କ ବଦଳ ଖେଳାଳିଙ୍କ ନାମ ଘୋଷଣା କରିନାହିଁ । ଆଇପିଏଲ୍ ୨୦୨୨ ରେ ଖେଳିବାକୁ ପ୍ରସ୍ତୁତ ହେଉଥିବା ଦୀପକ ଚହର ପୁଣିଥରେ ଏନସିଏରେ ଆହତ ହୋଇଥିଲେ ।