ଦୁବାଇ: ଏସିଆନ୍ କ୍ରିକେଟ୍ କାଉନସିଲ୍ (ଏସିସି) ପକ୍ଷରୁ ଆଜି ଏସିଆ କପ୍ ପାଇଁ ମ୍ୟାଚ୍ ଅଫିସିଆଲ୍ ତାଲିକା ଘୋଷଣା କରାଯାଇଛି । ଏଥିରେ ୨ଜଣ ମ୍ୟାଚ୍ ରେଫରୀଙ୍କ ସମେତ ୧୦ଜଣ ଅମ୍ପାୟାର ସାମିଲ ରହିଛନ୍ତି । ଅମ୍ପାୟାର ତାଲିକାରେ ଭାରତରୁ ବୀରେନ୍ଦର ଶର୍ମା ଓ ରୋହନ ପଣ୍ଡିତଙ୍କୁ ସ୍ଥାନ ମିଳିଛି । ରିଚି ରିଚାର୍ଡସନ ଓ ଆଣ୍ଡି ପାଏକ୍ରଫ୍ଟ ମ୍ୟାଚ୍ ରେଫରୀ ଭାବେ ସ୍ଥାନ ପାଇଛନ୍ତି । ଆସନ୍ତା ୧୪ ତାରିଖରେ ଖେଳାଯିବାକୁ ଥିବା ବହୁଚର୍ଚ୍ଚିତ ଭାରତ-ପାକିସ୍ତାନ ମ୍ୟାଚ୍ ପାଇଁ ଶ୍ରୀଲଙ୍କାର ରୁଚିରା ପଲିୟାଗୁରୁଗେ ଏବଂ ବାଂଲାଦେଶର ମସୁଦୁର ରହମାନ ପଡ଼ିଆ ଅମ୍ପାୟାର ଏବଂ ପାଏକ୍ରଫ୍ଟ ମ୍ୟାଚ୍ ରେଫରୀ ନିଯୁକ୍ତ ହୋଇଛନ୍ତି ।
ଅଫିସିଆଲ୍ ତାଲିକା: ମ୍ୟାଚ୍ ରେଫରୀ- ରିଚି ରିଚାର୍ଡସନ, ଆଣ୍ଡି ପାଏକ୍ରଫ୍ଟ । ଅମ୍ପାୟାର-ବୀରେନ୍ଦର ଶର୍ମା, ରୋହନ ପଣ୍ଡିତ, ରବୀନ୍ଦ୍ର ୱିମାଲାସିରି, ରୁଚିରା ପଲିୟାଗୁରୁଗେ, ଅହମ୍ମଦ ପକଟିନ, ଇଜାତୁଲ୍ଲା ସଫି, ଆସିଫ୍ ୟାକୁବ, ଫୈଜଲ ଆଫ୍ରିଦି, ଗାଜି ସୋହେଲ, ମସୁଦୁର ରହମାନ ।