କଟକ,୧/୬ : ବାରବାଟୀ ଷ୍ଟାଡିୟମରେ ଭାରତ-ଦକ୍ଷିଣ ଆଫ୍ରିକା ଟି-୨୦ ଅନ୍ତର୍ଜାତୀୟ ମ୍ୟାଚ ଆଉ ମାତ୍ର ଏଗାର ଦିନ ବାକି ଥିବାବେଳେ ଏହାକୁ ନେଇ କ୍ରିକେଟପ୍ରେମୀଙ୍କ ମଧ୍ୟରେ ଉତ୍ସାହ ଓ ଉକ୍ରଣ୍ଠା ବଢିବାରେ ଲାଗିଛି । ଏବେ ଚାରିଆଡେ଼ କ୍ରିକେଟ ଫିଭର । ମ୍ୟାଚ ପାଇଁ ଓଡ଼ିଶା କ୍ରିକେଟ ଆସୋସିଏସନ(ଓସିଏ) ପକ୍ଷରୁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି । ଆଜି ଥିଲା ଅନଲାଇନ ଟିକେଟ ବିକ୍ରିର ଦିନ । ଆଜି ପୂର୍ବାହ୍ନ ୧୧ଟାରୁ ଅନଲାଇନରେ ପେଟିଏମରେ ଟିକେଟ ବିକ୍ରିର ସମୟ ଧାର୍ଯ୍ୟ କରାଯାଇଥିଲା;କିନ୍ତୁ କଂପ୍ୟୁଟରେ କିଛି ବୈଷୟିକ ଓ ସର୍ଭର ସମସ୍ୟା କାରଣରୁ ବିକ୍ରି ଦୁଇ ଘଣ୍ଟାରୁ ଅଧିକ ସମୟ ବିଳମ୍ବରେ ଆରମ୍ଭ ହୋଇଥିଲା । ଅପରାହ୍ନରେ ସମସ୍ତ ଟିକେଟ ବିକ୍ରି ହୋଇଯାଇଥିଲା ବୋଲି ଓସିଏ ସଂପାଦକ ସଞ୍ଜୟ ବେହେରା ଜଣାଇଛନ୍ତି । ଏହି ଅନିଚ୍ଛାକୃତ ବିଳମ୍ବ ପାଇଁ ସେ ଦୁଃଖ ପ୍ରକାଶ କରିଛନ୍ତି । ଉଲ୍ଲେଖଯୋଗ୍ୟ ଯେ ଆସନ୍ତା ୧୨ ତାରିଖରେ ବାରବାଟୀରେ ମ୍ୟାଚ ଖେଳାଯିବ ।