ପୁନେ : ଭାରତର ଅନ୍ୟତମ ଜଣାଶୁଣା ପୁରୁଷ ଟେନିସ୍ ଖେଳାଳି ସୁମିତ୍ ନାଗାଲ୍ ତାଙ୍କ କ୍ୟାରିୟରରେ ଶ୍ରେଷ୍ଠ ସଫଳତା ହାସଲ କରିଛନ୍ତି । ନ୍ୟୁୟର୍କରେ ଅନୁଷ୍ଠିତ ୟୁଏସ୍ ଓପନର ପ୍ରଥମ ରାଉଣ୍ଡରେ ସେ ବିଜୟୀ ହୋଇଛନ୍ତି । ଗତ ସାତ ବର୍ଷ ମଧ୍ୟରେ ଗ୍ରାଣ୍ଡସ୍ଲାମ ସିଙ୍ଗିଲ୍ସରେ ସେ ପ୍ରଥମ ଭାରତୀୟ ଭାବେ ବିଜୟ ହାସଲ କରିଛନ୍ତି । ଯାହାକି ବର୍ତ୍ତମାନ ସୁଦ୍ଧା ତାଙ୍କ କ୍ୟାରିୟରର ସର୍ବଶ୍ରେଷ୍ଠ ବିଜୟ ବୋଲି ସେ କହିଛନ୍ତି । ପ୍ରଥମ ରାଉଣ୍ଡରେ ୨୩-ବର୍ଷୀୟ ସୁମିତ୍ ତାଙ୍କର ଆମେରିକା ପ୍ରତିପକ୍ଷ ବ୍ରାଡ୍ଲି ପ୍ଲାନ୍ଙ୍କୁ ୬-୧, ୬-୩, ୩-୬ ଓ ୬-୧ ସେଟ୍ରେ ପରାସ୍ତ କରିଛନ୍ତି । ଦୀର୍ଘ ଦୁଇ ଘଣ୍ଟା ଓ ୧୨ ମିନିଟ୍ର ଏହି ମ୍ୟାଚ୍ରେ ସୁମିତ୍ ସମସ୍ତ ସେଟ୍ରେ ପ୍ରାଧାନ୍ୟ ବିସ୍ତାର କରିଥିଲେ ।