ନୂଆଦିଲ୍ଲୀ : ଭାରତ ଚାରି ଦଶନ୍ଧି ତଳେ ଅଲିମ୍ପିକ୍ସରେ ହକିରେ ଯେଭଳି ରେକଡର଼୍ ପଦବୀ ହାସଲ କରି ଗୌରବ ଆଣି ପାରିଥିଲା, ତାହାକୁ ପୁଣି ଦୋହରାଇ ପାରିବ । ଆସନ୍ତା ବର୍ଷ ଟୋକିଓରେ ହେବାକୁ ଥିବା ଅଲିମ୍ପିକ୍ସରେ ମନପ୍ରୀତ୍ ସିଂ ନେତୃତ୍ୱାଧୀନ ଭାରତୀୟ ହକି ଟିମ୍ ସେହି ରେକଡର଼୍କୁ ଦୋହରାଇବାରେ ସକ୍ଷମ ହେବେ ବୋଲି ପୂର୍ବତନ ଗୋଲ୍କିପର ଭରତ ଛେତ୍ରୀ ଦୃଢ଼ ଆଶାବ୍ୟକ୍ତ କରିଛନ୍ତି । ସେ କହିଛନ୍ତି ଯେ, ବର୍ତ୍ତମାନର ଟିମ୍ ପାଖରେ ସେହି କ୍ଷମତା ଅଛି, ଯାହାବଳରେ ରେକଡର଼୍ ପଦବୀ ହାସଲ କରାଯାଇପାରିବ । ଭାରତୀୟ ହକିର ଏକ ସମୃଦ୍ଧ ଅଲିମ୍ପିକ୍ ଇତିହାସ ରହିଛି । ଏହା ଗୋଟିଏ ସମୟରେ ଆଠଟି ସ୍ୱର୍ଣ୍ଣ ପଦକ, ଗୋଟିଏ ରୌପ୍ୟ ଓ ଦୁଇଟି ବ୍ରୋଞ୍ଜ ପଦକ ହାସଲ କରିଥିଲା । ତାହା ଅତ୍ୟନ୍ତ ଅଭୂତପୂର୍ବ ଥିଲା । ଭାରତ ପରିପ୍ରେକ୍ଷୀରେ ଏହା ଏକ ଆଶ୍ଚର୍ଯ୍ୟଜନକ ଉପଲବ୍ôଧ ବୋଲି ସେ କହିଛନ୍ତି ।