ଜୋହାନ୍ସବର୍ଗ : ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ତିନି ମ୍ୟାଚ୍ ବିଶିଷ୍ଟ ସିରିଜର ଦ୍ୱିତୀୟ ଟେଷ୍ଟ ମ୍ୟାଚ୍ ଜୋହାନ୍ସବର୍ଗରେ ଖେଳାଯାଉଛି । ତୃତୀୟ ଦିନରେ ଭାରତ ଦ୍ୱିତୀୟ ଇନିଂସରେ ୨୬୬ ରନ ଅଲଆଉଟ୍ ହୋଇଯାଇଛି । ଏହି ଟେଷ୍ଟ ମ୍ୟାଚ୍ ଜିତିବା ପାଇଁ ଦକ୍ଷିଣ ଆଫ୍ରିକାକୁ ୨୪୦ ରନ୍ କରିବାକୁ ପଡିବ । ଚେତେଶ୍ୱର ପୂଜାରା ୫୩ ଓ ଅଜିଙ୍କ୍ୟ ରାହାଣେ ଭାରତ ପାଇଁ ୫୮ ରନ ସ୍କୋର କରିଥିଲେ । ହନୁମା ବିହାରୀ ୪୦ ରନ କରି ଅପରାଜିତ ରହିଥିଲେ । ଦକ୍ଷିଣ ଆଫ୍ରିକା ପାଇଁ କାଗିସୋ ରାବାଡା, ଲୁଙ୍ଗି ନିଗିଡି ଏବଂ ମାକ୍ରୋ ଜେନସେନ୍ ୩ଟି ଲେଖାଏଁ ୱିକେଟ୍ ନେଇଥିଲେ ।