ନୂଆଦିଲ୍ଲୀ : ଆନ୍ଦ୍ରେ ରସେଲ୍ ଜଣେ ସୁପରଷ୍ଟାର୍ । ତାଙ୍କ ଦକ୍ଷତା ନେଇ ସନ୍ଦେହ କରିବାର କିଛି ନାହିଁ । କିନ୍ତୁ ତାଙ୍କ ଉପରେ ସମ୍ପୂର୍ଣ୍ଣ ଭାବେ ନିର୍ଭର କରିହେବ ନାହିଁ । ଏଭଳି ମନ୍ତବ୍ୟ ଦେଇଛନ୍ତି କୋଲକାତା ନାଇଟ୍ ରାଇଡର୍ସର ଯୁବ ଦ୍ରୁତ ବୋଲର ପ୍ରସିଦ୍ଧ କ୍ରିଷ୍ଣା । ଏକ ଖବରକାଗଜକୁ ସାକ୍ଷାତକାର ଦେବା ଅବସରରେ ସେ କହିଛନ୍ତି ଯେ, ରସେଲଙ୍କ ସାମର୍ଥ୍ୟ ନେଇ କିଛି କହିବାର ନାହିଁ । ସେ ଜଣେ ଭଲ କ୍ରିକେଟର । ନିଜ ଦେଶ ପାଇଁ ବହୁବାର ଉଲ୍ଲେଖନୀୟ ପ୍ରଦର୍ଶନ କରିଛନ୍ତି । ଆମ ଦଳରେ ସେ ଥିବାରୁ ଆମେ ଖୁସି । କିନ୍ତୁ କେବଳ ତାଙ୍କ ଉପରେ ନିର୍ଭର କରି ରହିହେବ ନାହିଁ । ଏହା ଦଳ ପାଇଁ ରିସ୍କ୍ ଆଣିପାରେ । ଏଥର ଆଇପିଏଲ୍ରେ ଦଳ ଟାଇଟଲ୍ ପାଇଁ ନିଶ୍ଚୟ ଲଢେ଼ଇ କରିବ । ଏକ ଭଲ ଖେଳୁଆଡ଼ ମନୋଭାବ ନେଇ ଟିମ୍ ଖେଳିବ । ଆଇପିଏଲ୍-୨୦୨୦ ପାଇଁ ଦଳ ନିଜକୁ ଜୋରଦାର ଭାବେ ପ୍ରସ୍ତୁତ କରୁଛି । ରସେଲ୍ ନିଶ୍ଚୟ ଆଶାନୁରୂପ ଭୂମିକା ନିଭାଇବେ ବୋଲି ସେ କହିଛନ୍ତି । ଉଲ୍ଲେଖଯୋଗ୍ୟ ଯେ, କୋଲକାତା ନାଇଟ୍ ରାଇଡ଼ର୍ସ ଦୁଇଥର ଚାମ୍ପିୟନ୍ ହୋଇଛି । ପ୍ରଥମଟି ୨୦୧୨ ଓ ଦ୍ୱିତୀୟଟି ୨୦୧୪ରେ । ଗତ ସିଜିନ୍ରେ ଏହା ସେଭଳି ଭଲ ସ୍କୋର କରିପାରି ନଥିଲା । ପଞ୍ଚମ ସ୍ଥାନରେ ଏହାକୁ ସନ୍ତୁଷ୍ଟ ହେବାକୁ ପଡ଼ିଥିଲା ।