ନୂଆଦିଲ୍ଲୀ : କରୋନା ସଂକ୍ରମଣ ବ୍ୟାପିବା ଦିନଠାରୁ ଟି-୨୦ ଲିଗ୍ ଟୁର୍ଣ୍ଣାମେଣ୍ଟ ଦେଖିବାକୁ ମିଳିନାହିଁ । ପ୍ରଥମ ଥର ପାଇଁ ଏକ ପ୍ରମୁଖ ଟି-୨୦ ମ୍ୟାଚ୍ ଭାବେ ସିପିଏଲ୍ ଏହି ସୌଭାଗ୍ୟ ହାସଲ କରିବାକୁ ଯାଉଛି । ଚଳିତ ମାସ ୧୮ ତାରିଖରୁ ସିପିଏଲ୍ ଟି-୨୦ ଟୁର୍ଣ୍ଣାମେଣ୍ଟ ଆରମ୍ଭ ହେବ । ଏହା ତ୍ରିନିଦାଦ୍ ଓ ଟୋବାଗୋରେ ଖେଳାଯିବ । ମାତ୍ର ଦୁଇଟି ଷ୍ଟାଡ଼ିୟମରେ ମୋଟ ୩୩ଟି ମ୍ୟାଚ୍ ଖେଳାଯିବ । ଏହା ଏକ ରୁଦ୍ଧଦ୍ୱାର ଇଭେଣ୍ଟ ହେବ ବୋଲି ଆୟୋଜନ କମିଟି ସୂଚନା ଦେଇଛି । ଗତବର୍ଷର ରନର୍ସଅପ୍ ଗୁଆନା ଆମାଜନ ୱାରିୟର୍ସ ଓ ତ୍ରିନ୍ବାଗୋ ନାଇଟ୍ ରାଇଡର୍ସ ପ୍ରଥମ ମ୍ୟାଚରେ ପରସ୍ପରକୁ ଭେଟିବ ।