ନୂଆଦିଲ୍ଲୀ : ଭାରତୀୟ କ୍ରିକେଟର ସୁରେଶ ରାଇନାଙ୍କୁ ୱେଷ୍ଟଇଣ୍ଡିଜ୍ କ୍ରିକେଟର ଡାରେନ୍ ସାମି ଉଚ୍ଚ ପ୍ରଶଂସା କରିଛନ୍ତି । ଭାରତୀୟ କ୍ରିକେଟରମାନଙ୍କ ମଧ୍ୟରେ ତାଙ୍କର ପସନ୍ଦ ଖେଳାଳି ସଂପର୍କରେ ପ୍ରଶ୍ନ ହେବାରୁ ସେ କହିଥିଲେ ଯେ, ରାଇନା ଜଣେ ଅତି ସୁନ୍ଦର ଓ ବଢ଼ିଆ କ୍ରିକେଟର । ତାଙ୍କର ବ୍ୟବହାର ଓ କ୍ରୀଡ଼ା ପ୍ରଦର୍ଶନ ପ୍ରଶଂସନୀୟ । ସେ ଜଣେ ଅତି ଭଦ୍ର କ୍ରିକେଟର । ପଡ଼ିଆ ବାହାରେ ସେ ଜଣେ ମେଳାପି ବ୍ୟକ୍ତି । ତାଙ୍କ ସହିତ ଅନେକ ଥର ମୋର ଭେଟ ହୋଇଛି । ସେହି ସମୟରେ ସେ କେବେବି କ୍ରିକେଟର ବୋଲି ନଭାବି ସାଧାରଣ ବ୍ୟକ୍ତି ଭାବରେ ମିଳାମିଶା କରିଥାନ୍ତି । ମଣିଷ ହିସାବରେ ସେ ଅତି ଉତ୍ତମ ଓ ମେଳାପି ବୋଲି ସାମି କହିଛନ୍ତି । ୱେଷ୍ଟଇଣ୍ଡିଜ୍ କ୍ରିକେଟରେ ସାମିଙ୍କର ଏକ ସ୍ୱତନ୍ତ୍ର ସ୍ଥାନ ରହିଛି । ତାଙ୍କୁ ସବୁବେଳେ ଦଳ ଏକ ନିର୍ଭରଯୋଗ୍ୟ ସଦସ୍ୟ ଭାବେ ଗ୍ରହଣ କରିଆସିଛି । ବର୍ତ୍ତମାନ ଆଇସିସି ର୍ୟାଙ୍କିଂରେ ୱେଷ୍ଟଇଣ୍ଡିଜ୍ ଟେଷ୍ଟରେ ଅଷ୍ଟମ ସ୍ଥାନରେ ଥିବା ବେଳେ ଦିନିକିଆ ଓ ଟି-୨୦ରେ ଯଥାକ୍ରମେ ନବମ ଓ ନବମ ସ୍ଥାନରେ ରହିଛି ।