ନୂଆଦିଲ୍ଲୀ: ଅଲରାଉଣ୍ଡର ବେନ ଷ୍ଟୋକ୍ସଙ୍କୁ ଇଂଲଣ୍ଡର ଟେଷ୍ଟ କ୍ରିକେଟ ଦଳ ଅଧିନାୟକ ପଦ ମିଳିବା ପରେ ସେ କମାଲ ଦେଖାଇଛନ୍ତି । ଆଜି ଓର୍ସେଷ୍ଟରସାୟର ବିରୋଧରେ ଖେଳିଥିବା କାଉଁଟି ଚାମ୍ପିୟନସିପ ଡିଭିଜନ-୨ରେ ସେ ୬୪ ବଲରେ ଶତକ ହାସଲ କରିଥିଲେ । ଯାହା ଭିତରେ ସେ ବାମହାତି ସ୍ପିନର ଯୋସ ବେକରଙ୍କୁ ଗୋଟିଏ ଓଭରରେ ୩୪ ରନ ମାରି ନିଜ ଶତକ ପୂରା କରିଥିଲେ । ଏହି ଓଭରରେ ସେ ୬ ଛକା ମାରିବାରୁ ବଞ୍ଚିତ ରହିଗଲେ । ଶେଷ ବଲରେ ଛକା ମାରିବାକୁ ଚେଷ୍ଟା କରିଥିଲେ । ହେଲେ ତାହା ଠିକ୍ ବାଉଣ୍ଡ୍ରି ସୀମା ରେଖା ପୂର୍ବରୁ ପଡିଥିଲା । ୧୧୭ତମ ଓଭରରେ ସେ ଏହି ଖେଳ ଦେଖାଇଥିଲେ । ଏହି ସମୟରେ ତାଙ୍କ ସ୍କୋର ୫୯ ବଲ୍ ଖେଳି ୭୦ ରନ ରହିଥିଲେ । ସେ ମୋଟ ୮୮ଟି ବଲ୍ ଖେଳି ୧୬୧ ରନରେ ଆଉଟ ହୋଇଥିଲେ । ସେ ଏହା ଭିତରେ ୧୭ ଛକା ଓ ୮ ଚୌକା ମାରିଥିଲେ ।