ଦୁବାଇ : ଆଜି ପ୍ରକାଶ ପାଇଛି ଆଇସିସିର ତାଜା ଟେଷ୍ଟ ମାନ୍ୟତା ତାଲିକା । ଏଥିରେ ଭାରତୀୟ ଖେଳାଳିମାନଙ୍କୁ ଖୁବ ଉଲ୍ଲେଖନୀୟ ଫାଇଦା ମିଳିଛି । ଅଧିନାୟକ କେଏଲ ରାହୁଲ ୧୮ଟି ପାହାଚ ଅତିକ୍ରମ କରି ତାଲିକାର ୩୧ତମ ସ୍ଥାନରେ ପହଞ୍ଚିଛନ୍ତି । ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ମ୍ୟାଚରେ ଶତକୀୟ ଇନିଂସ ତାଙ୍କର ଏହି ଉତଥାନରେ ପ୍ରମୁଖ ଭୂମିକା ଗ୍ରହଣ କରିଛି । ପ୍ରଥମ ଟେଷ୍ଟରେ ଭାରତ ଠାରୁ ଆଫ୍ରିକା ୧୧୩ ରନରେ ପରାସ୍ତ ହୋଇଥିଲା । ଏହି ବିଜୟରେ ରାହୁଲଙ୍କର ଅବଦାନ ସବୁଠୁ ଅଧିକ ଥିଲା । ଭାରତ ଏବେ ୧-୦ରେ ଆଗୁଆ ଅଛି । ଏହି ଟେଷ୍ଟ ବିଶ୍ୱ ଟେଷ୍ଟ ଚାମ୍ପିଅନସିପର ଏକ ଅଂଶ । ଏହି ଗସ୍ତରେ ମୟଙ୍କ ଅଗ୍ରୱାଲଙ୍କ ପ୍ରଦର୍ଶନ ମଧ୍ୟ ଖୁବ ପ୍ରଭାବି ଥିଲା । ମୟଙ୍କଙ୍କ ଉପଯୋଗୀ ୬୦ ରନ କରିଥିଲେ । ଏହା ତାଙ୍କୁ ଟେଷ୍ଟ ମାନ୍ୟତାରେ ଉପରକୁ ଉଠିବାରେ ସାହାଯ୍ୟ କରିଛି । ସେ ଗୋଟିଏ ପାହାଚ ଉପରକୁ ଉଠିଥିବା ବେଳେ ଆଜିଙ୍କ୍ୟ ରାହାଣେ ଦୁଇଟି ପାହାଚ ଅତିକ୍ରମ କରି ୨୫ତମ ସ୍ଥାନରେ ପହଞ୍ଚିଛନ୍ତି । ସେହିପରି ଯଶପ୍ରୀତ ବୁମରା ଓ ମହମ୍ମଦ ଶାମୀ ମଧ୍ୟ ଫାଇଦା ପାଇଛନ୍ତି । ବୁମରା ନବମ ସ୍ଥାନକୁ ଉଠିଥିବା ବେଳେ ଶାମୀ ୧୭ତମ ସ୍ଥାନରେ ପହଞ୍ଚିଛନ୍ତି ।