କାନପୁର : ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟେଷ୍ଟ ପୂର୍ବରୁ ଭାରତକୁ ଏକ ଶକ୍ତ ଝଟକା ଲାଗିଛି । ଟେଷ୍ଟ ଓପନର କେଏଲ ରାହୁଲ ଆହତ ହୋଇ ପ୍ରଥମ ଟେଷ୍ଟରୁ ବାଦ ପଡିବା ସହ ଟେଷ୍ଟ ସିରିଜରୁ ସଂପୂର୍ଣ୍ଣ ଆଉଟ ହୋଇଛନ୍ତି । ତାଙ୍କ ସ୍ଥାନରେ କାନପୁର ଟେଷ୍ଟ ପାଇଁ ସୂର୍ଯ୍ୟକୁମାର ଯାଦବଙ୍କୁ ଟିମ୍ରେ ସାମିଲ କରାଯାଇଛି । ପୂର୍ବରୁ ନିୟମିତ ଓପନର ରୋହିତ ଶର୍ମା ଟେଷ୍ଟ ସିରିଜ ବିଶ୍ରାମ ନେଇଥିବା ବେଳେ ଏବେ କେଏଲ ରାହୁଲ ଆହତ ହେବା ପରେ ମୟଙ୍କ ଅଗ୍ରୱାଲଙ୍କ ସହ ଶୁଭମାନ ଗିଲ ଓପନିଂ କରିବା ପ୍ରାୟ ନିଶ୍ଚିତ ହୋଇଯାଇଛି । ପୂର୍ବରୁ କୁହାଯାଉଥିଲା ଯେ, ଶୁଭମାନ ଗିଲ ଓପନିଂ ବଦଳରେ ମିଡିଲରେ ଅର୍ଡରରେ ଖେଳିବେ ।