ମୁମ୍ବାଇ : ଦିଲ୍ଲୀ କ୍ୟାପିଟାଲ୍ସ ଗତ ମ୍ୟାଚର ପରାଜୟ ପରେ ଜବରଦସ୍ତ କମ୍ବ୍ୟାକ୍ କରିଛି । ପଞ୍ଜାବ ଦଳ ଦିଲ୍ଲୀ ସାମ୍ନାରେ ୧୯୬ରନ ବିଜୟ ଲକ୍ଷ୍ୟ ଦେଇଥିଲା । ଯାହାକୁ ଦିଲ୍ଲୀ ୪ ଉଇକେଟ ହରାଇ ହାସଲ କରିନେଇଥିଲା । ମ୍ୟାଚ ପରେ ଦିଲ୍ଲୀର ଅଧିନାୟକ ଋଷଭ ପନ୍ତ କହିଛନ୍ତି ଯେ, ଗତ ମ୍ୟାଚରେ ହାରିବା ପରେ ଏହି ମ୍ୟାଚ ଜିତିବା ଆମ ପାଇଁ ମହତ୍ୱପୂର୍ଣ୍ଣ ଥିଲା । ମୁଁ ମୋର ଅଧିନାୟକତ୍ୱ ମଜା ଉଠାଉଛି ବୋଲି ସେ ଏହି ଅବସରରେ କହିଥିଲେ । କିନ୍ତୁ ଖେଳ ଆରମ୍ଭରୁ ଆମେ କଠିନ ପରିସ୍ଥିତି ଦେଇ ଗତି କରୁଥିଲୁ, କାରଣ ୱିକେଟରେ କିଛି ନଥିଲା । ବୋଲରମାନେ ଆକର୍ଷଣୀୟ ବୋଲିଂ କରି ପଞ୍ଜାବ ଦଳକୁ ୧୯୫ରନରେ ଅଟକାଇଥିଲେ । ଏହି ମ୍ୟାଚରେ ଶିଖରଙ୍କ ଅନୁଭବ କାମ କରିଥିଲା । ସେ ଦଳ ପାଇଁ ଯାହା କରିଛନ୍ତି ତାହା ପ୍ରଶଂସାଯୋଗ୍ୟ ।
ଏହି ମ୍ୟାଚ ଜିତିବା ପରେ ଦିଲ୍ଲୀ ଦଳ ପଏଣ୍ଟ ତାଲିକାରେ ଦ୍ୱିତୀୟ ସ୍ଥାନରେ ପହଞ୍ଚିଛି । ଦିଲ୍ଲୀ ୩ଟି ମ୍ୟାଚ ଖେଳି ଏ ପର୍ଯ୍ୟନ୍ତ ଦୁଇଟି ମ୍ୟାଚ ଜିତିଥିବା ବେଳେ ଗୋଟିଏ ମ୍ୟାଚରେ ଦଳ ପରାଜୟର ସାମ୍ନା କରିଛି । ରନ୍ ରେଟ ଭଲ ଥିବାରୁ ମୁମ୍ବାଇ ପଛରେ ପକାଇ ଦିଲ୍ଲୀ କ୍ୟାପିଟାଲ୍ସ ଦ୍ୱିତୀୟ ସ୍ଥାନରେ ପହଞ୍ଚି ।