ନୂଆଦିଲ୍ଲୀ,୭/୪: କ୍ରିଷ୍ଟିଆନୋ ରୋନାଲ୍ଡୋ କ୍ରୀଡ଼ାପ୍ରେମୀଙ୍କ ପ୍ରଥମ ପସନ୍ଦ କହିଲେ ଅତ୍ୟୁକ୍ତି ହେବ ନାହିଁ । ତାଙ୍କର ବ୍ୟକ୍ତିଗତ ଜୀବନକୁ ନେଇ ସେ ସବୁବେଳେ ଚର୍ଚ୍ଚାରେ ଥାନ୍ତି । କିନ୍ତୁ ଏଥର ତାଙ୍କର ଗାର୍ଲଫ୍ରେଣ୍ଡ ଜର୍ଜିନା ରୋଡ୍ରିଗେଜ୍ଙ୍କୁ ନେଇ ସେ ଚର୍ଚ୍ଚାରେ ରହିଛନ୍ତି । ଏକ ରିପୋର୍ଟ ମୁତାବିକ, ରୋନାଲ୍ଡୋ ତାଙ୍କର ଗାର୍ଲଫ୍ରେଣ୍ଡଙ୍କ ଖର୍ଚ୍ଚ ପାଇଁ ପ୍ରତିମାସରେ ୮୦ ଲକ୍ଷ ଟଙ୍କାରୁ ଅଧିକ ଦେଇଥାନ୍ତି । ବ୍ରିଟିଶ ମିଡିଆ ଗାର୍ଲଫ୍ରେଣ୍ଡଙ୍କୁ ଦେଉଥିବା ଏହି ଟଙ୍କାକୁ ଦରମା ଭଳି କହିଛି । ଜର୍ଜିନା ରୋଡ୍ରିଗେଜ୍ଙ୍କୁ ପ୍ରତିମାସରେ ୮୩ ହଜାର ପାଉଣ୍ଡ ଅର୍ଥାତ ୮୨ ଲକ୍ଷ ଟଙ୍କାରୁ ଅଧିକ ଟଙ୍କା ତାଙ୍କର ପିଲାମାନଙ୍କୁ ଦେଖାଶୁଣା ଏବଂ ତାଙ୍କର ଖର୍ଚ୍ଚ ପାଇଁ ଦିଆଯାଇଥାଏ । ଏହା ପୂର୍ବରୁ ରୋନାଲ୍ଡୋ ଜର୍ଜିନାଙ୍କୁ ଦେଢ଼ କୋଟି ଟଙ୍କାର ଏକ କାର ମଧ୍ୟ ଗିଫ୍ଟ କରିଥିଲେ । ଦୁହେଁ ଏକ ବିଳାସମୟ ଜୀବନ ବିତାଉଛନ୍ତି । ଏହାର ଝଲକ୍ ଜର୍ଜିନାଙ୍କ ସୋସିଆଲ୍ ମିଡିଆ ଆକାଉଣ୍ଟରୁ ଦେଖିବାକୁ ମିଳିଥାଏ । ଜର୍ଜିନା ଏବଂ ରୋନାଲ୍ଡୋ ୨୦୧୭ ମସିହାରୁ ଏକାଠି ରହୁଛନ୍ତି । ଜର୍ଜିନା ପେଶାରେ ଜଣେ ମଡେଲ୍ । ସେ କେତେକ ବଡ଼ ବଡ଼ ବିଜ୍ଞାପନରେ ମଧ୍ୟ ନଜର ଆସିଛନ୍ତି ।