ନୂଆଦିଲ୍ଲୀ : ଭାରତୀୟ ଦ୍ରୁତ ବୋଲର ଶାର୍ଦ୍ଦୁଲ ଠାକୁର ତାଙ୍କ ଗର୍ଲଫ୍ରେଣ୍ଡ ମିତାଲି ପାରୁଲକରଙ୍କ ସହ ମୁମ୍ବାଇରେ ନିର୍ବନ୍ଧ କରିଛନ୍ତି । ଉଭୟ ଏନଗେଜମେଣ୍ଟ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ବାନ୍ଦ୍ରା-କୁର୍ଲା କଂପ୍ଲେକ୍ସରେ ଏହି ବିବାହ ଉତ୍ସବ ଅନୁଷ୍ଠିତ ହୋଇଥିଲା ଏବଂ ଏହି କାର୍ଯ୍ୟକ୍ରମରେ କେବଳ ଘନିଷ୍ଠ ପରିବାର ସଦସ୍ୟ ଯୋଗ ଦେଇଥିଲେ । ଖେଳାଳିଙ୍କ ଜଣେ ଘନିଷ୍ଠ ସହଯୋଗୀ ଟାଇମ୍ସ ଅଫ୍ ଇଣ୍ଡିଆକୁ ପ୍ରକାଶ କରି କହିଛନ୍ତି ଯେ, ଆସନ୍ତା ବର୍ଷ ଅଷ୍ଟ୍ରେଲିଆରେ ଅନୁଷ୍ଠିତ ହେବାକୁ ଥିବା ଟି -୨୦ ବିଶ୍ୱକପ ପରେ ସେମାନେ ବିବାହ କରିବେ ।
ବର୍ତ୍ତମାନ ସେ ଦଳ ପକ୍ଷରୁ ନ ଖେଳି ବିଶ୍ରାମ ନେଇଛନ୍ତି । ଶାର୍ଦ୍ଦୁଲ ଠାକୁର ଟିମ୍ ଇଣ୍ଡିଆ ପାଇଁ ତିନୋଟି ଫର୍ମାଟରେ ଖେଳୁଛନ୍ତି । ସେ ଏପର୍ଯ୍ୟନ୍ତ ଭାରତ ପାଇଁ ୪ ଟି ଟେଷ୍ଟ, ୧୫ ଟି ଦିନିକିଆ ଏବଂ ୨୪ ଟି -୨୦ ଖେଳିଛନ୍ତି । ଏହି ୩୦ ବର୍ଷୀୟ ବୋଲର ମଧ୍ୟ ସାମ୍ପ୍ରତିକ ସମୟରେ ନିମ୍ନ କ୍ରମରେ ବ୍ୟାଟିଂ କରି ସମସ୍ତଙ୍କୁ ପ୍ରଭାବିତ କରିଛନ୍ତି ।