ଲଣ୍ଡନ: ଅଷ୍ଟ୍ରେଲିଆ ଓ ଇଂଲଣ୍ଡ ମଧ୍ୟରେ ହେବାକୁ ଥିବା ଦିନିକିଆ ଓ ଟି-୨୦ ସିରିଜ୍ ପାଇଁ ତାରିଖ ଘୋଷଣା କରାଯାଇଛି । ଜୁଲାଇରେ ଏହି ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବାର ଥିଲା । କିନ୍ତୁ କରୋନା ସଂକ୍ରମଣ ଓ ଲକ୍ଡାଉନ୍ କାରଣରୁ ଏହାକୁ ସ୍ଥଗିତ ରଖାଯାଇଥିଲା । ବର୍ତ୍ତମାନ ସ୍ଥିତି ସୁଧୁରୁ ଥିବାରୁ ଟୁର୍ଣ୍ଣାମେଣ୍ଟ ଆୟୋଜନ ନିଷ୍ପତ୍ତି ନିଆଯାଇଛି । ସେପ୍ଟେମ୍ବର ପ୍ରାରମ୍ଭରୁ ଏହି ଟୁର୍ଣ୍ଣାମେଣ୍ଟ ଆରମ୍ଭ ହେବ ଏବଂ ମଧ୍ୟଭାଗ ପର୍ଯ୍ୟନ୍ତ ଚାଲିବ । ଅଗଷ୍ଟ ୋଷ ଭାଗ ଆଡ଼କୁ ଅଷ୍ଟ୍ରେଲିଆ ଦଳ ଇଂଲଣ୍ଡରେ ପହଞ୍ଚିବେ । ଡର୍ବିସାୟାର ଗସ୍ତ ପୂର୍ବରୁ ସେମାନଙ୍କୁ ସେଠାରେ ପହଞ୍ଚିବା ପାଇଁ କୁହାଯାଇଛି । ଏହାପରେ ସେମାନେ ସାଉଥ୍ମ୍ପଟନ୍ ଅଭିମୁଖେ ଗସ୍ତ କରିବେ । ପାକିସ୍ତାନ ବିପକ୍ଷରେ ଇଂଲଣ୍ଡର ଏକ ଟେଷ୍ଟ ମ୍ୟାଚ୍ କାର୍ଯ୍ୟକ୍ରମ ରହିଛି । ଏହାପରେ ଅଷ୍ର୍ଟ୍ରେଲିଆ ଦଳ ସାଉଥ୍ମ୍ପଟନ୍ ଗସ୍ତରେ ଯାଇ ପରବର୍ତ୍ତୀ କାର୍ଯ୍ୟକ୍ରମରେ ଯୋଗଦେବେ । ଟି-୨୦ ସିରିଜ୍ ଆରମ୍ଭ ହେବା ପୂର୍ବରୁ ଅଷ୍ଟ୍ରେଲିଆ ଦଳ ଇଂଲଣ୍ଡରେ ଚାରୋଟି ଅଭ୍ୟାସ ମ୍ୟାଚ୍ ଖେଳିବେ । ଟି୦୨୦ ସିରିଜ୍ ସେପ୍ଟେମ୍ବର ୪ରୁ ଆରମ୍ଭ ହେବ । ଅନ୍ୟ ଦୁଇଟି ମ୍ୟାଚ୍ ଯଥାକ୍ରମେ ସେପ୍ଟେମ୍ବର ୬ ଓ ସେପ୍ଟେମ୍ବର ୮ ତାରିଖରେ ଖେଳାଯିବ । ଦୁଇ ଦଳ ମଧ୍ୟରେ ମୋଟ ୩ଟି ଦିନିକିଆ ମ୍ୟାଚ୍ ଖେଳାଯିବ । ପ୍ରଥମ ମ୍ୟାଚ୍ ସେପ୍ଟେମ୍ବର ୧୧, ଦ୍ୱିତୀୟ ମ୍ୟାଚ୍ ସେପ୍ଟେମ୍ବର ୧୩ ଓ ତୃତୀୟ ତଥା ଅନ୍ତିମ ମ୍ୟାଚ୍ ସେପ୍ଟେମ୍ବର ୧୬ରେ ଅନୁଷ୍ଠିତ ହେବ ।