ନୂଆଦିଲ୍ଲୀ : ତିନି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ୍ରେ ଅଷ୍ଟ୍ରେଲିଆ ଦୁଇ ଦିନ ମଧ୍ୟରେ ଦକ୍ଷିଣ ଆଫ୍ରିକାକୁ ପରାସ୍ତ କରିଛି । ଅନ୍ୟପକ୍ଷରେ ଭାରତ ବାଂଲାଦେଶ ବିପକ୍ଷ ପ୍ରଥମ ଟେଷ୍ଟ ମ୍ୟାଚକୁ ଅତି ସହଜରେ ୧୮୮ ରନରେ ଜିତିଥିଲା । ଏହି ଦୁଇଟି ଫଳାଫଳ ଭାରତକୁ ବହୁତ ଫାଇଦା ଦେଇଛି ଏବଂ ଦଳ ବିଶ୍ୱ ଟେଷ୍ଟ ଚାମ୍ପିଅନସିପର ପଏଣ୍ଟ ଟେବୁଲରେ ଟପ୍ -୨ ରେ ସ୍ଥାନ ପାଇଛି । ଯଦି ଭାରତ ଏହି ସ୍ଥିତିକୁ ବଜାୟ ରଖିବାରେ ସଫଳ ହୁଏ, ତେବେ ଫାଇନାଲ୍ ଖେଳିବା ନିଶ୍ଚିତ ହେବ ।
ଟିମ୍ ଇଣ୍ଡିଆ ଚତୁର୍ଥ ସ୍ଥାନରେ ଥିଲା
ବାଂଲାଦେଶ ବିପକ୍ଷ ପ୍ରଥମ ଟେଷ୍ଟ ପୂର୍ବରୁ ଭାରତୀୟ ଦଳ ଏହି ଟେବୁଲରେ ଚତୁର୍ଥ ସ୍ଥାନରେ ରହିଥିଲା । ତା’ପରେ ଅଷ୍ଟ୍ରେଲିଆ ପ୍ରଥମ, ଦକ୍ଷିଣ ଆଫ୍ରିକା ଦ୍ୱିତୀୟ ଏବଂ ଶ୍ରୀଲଙ୍କା ତୃତୀୟ ସ୍ଥାନରେ ରହିଥିଲା । ଏହି ଚାରିଟି ଦଳ ମଧ୍ୟରେ ଫାଇନାଲରେ ପ୍ରବେଶ କରିବା ଦୌଡରେ ଅଛନ୍ତି । ବାକି ଦଳଗୁଡିକ ଫାଇନାଲ୍ ରେସ୍ ବାହାରେ ଅଛନ୍ତି ।
ବାଂଲାଦେଶ ଉପରେ ବିଜୟ ଯୋଗୁଁ ଭାରତ ତୃତୀୟ ସ୍ଥାନରେ ପହଞ୍ଚିଛି । ଏହା ପରେ ଅଷ୍ଟ୍ରେଲିଆ ଦକ୍ଷିଣ ଆଫ୍ରିକାକୁ ପରାସ୍ତ କରିଥିଲା । ଏହି କାରଣରୁ ଦକ୍ଷିଣ ଆଫ୍ରିକା ତୃତୀୟ ସ୍ଥାନକୁ ଖସିଗଲା ଏବଂ ଭାରତ ଦ୍ୱିତୀୟ ସ୍ଥାନକୁ ଉନ୍ନିତ ହୋଇଥିଲା ।
ଭାରତରେ ଆଉ ପାଞ୍ଚଟି ମ୍ୟାଚ୍ ଖେଳିବାକୁ ଅଛି
ଭାରତ ହୁଏତ ନମ୍ବର -୨ ରେ ପହଞ୍ଚି ପାରିଛି, କିନ୍ତୁ ଫାଇନାଲରେ ପହଞ୍ଚିବାକୁ ହେଲେ ଦଳକୁ ଆଗାମୀ ୫ ମ୍ୟାଚ୍ ରେ ଭଲ ପ୍ରଦର୍ଶନ କରିବାକୁ ପଡ଼ିବ । ଏହି ପାଞ୍ଚଟି ମ୍ୟାଚ୍ ମଧ୍ୟରୁ ଗୋଟିଏ ବାଂଲାଦେଶ ବିପକ୍ଷରେ ହେବାକୁ ଥିବାବେଳେ ଚାରିଟି ଟେଷ୍ଟ ମ୍ୟାଚ୍ ଅଷ୍ର୍ଟ୍ରେଲିଆ ବିପକ୍ଷରେ ହେବ ।
ଦକ୍ଷିଣ ଆଫ୍ରିକା ଖେଳିବ ୪ଟି ମ୍ୟାଚ୍
ଦକ୍ଷିଣ ଆଫ୍ରିକା ଦଳ ଆଉ ଚାରିଟି ଟେଷ୍ଟ ମ୍ୟାଚ୍ ଖେଳିବ । ଅଷ୍ଟ୍ରେଲିଆ ବିପକ୍ଷ ସାମ୍ପ୍ରତିକ ସିରିଜରେ ଦୁଇଟି ଟେଷ୍ଟ ଏବଂ ଦୁଇଟି ଟେଷ୍ଟ ମ୍ୟାଚ୍ ୱେଷ୍ଟଇଣ୍ଡିଜ୍ ବିପକ୍ଷରେ ହେବ । ଦକ୍ଷିଣ ଆଫ୍ରିକା ଦଳ ଯେତେ ମ୍ୟାଚ୍ ହାରିବ, ସେତେ ଅଧିକ ଭାରତ ଉପକୃତ ହେବ ।
ଅଷ୍ଟ୍ରେଲିଆ ଫାଇନାଲ ଖେଳିବା ପ୍ରାୟ ନିଶ୍ଚିତ
ପଏଣ୍ଟ ଟେବୁଲରେ ଅଷ୍ଟ୍ରେଲିଆର ଦଳ ନମ୍ବର -୧ ରହିଛି । ଦଳ ୭୬% ରୁ ଅଧିକ ପଏଣ୍ଟ ପାଇଛନ୍ତି । ଅଷ୍ଟ୍ରେଲିଆ ଆଉ ୬ଟି ମ୍ୟାଚ୍ ଖେଳିବ । ଏଗୁଡିକ ଦଳ ଦକ୍ଷିଣ ଆଫ୍ରିକା ବିପକ୍ଷର ନିଜ ଘରେ ଦୁଇଟି ଓ ଅନ୍ୟ ୪ଟି ଭାରତ ବିପକ୍ଷରେ ଖେଳିବ । ଯଦି ଆଗାମୀ ମ୍ୟାଚ ଗୁଡିକରେ କଙ୍ଗାରୁ ଦଳ ସେତେଟା ଖରାପ ନଖେଳେ ତେବେ ତାର ଫାଇନାଲ ଖେଳିବା ପ୍ରାୟତଃ ପକ୍କା ହୋଇଯାଇଛି ।
ଶ୍ରୀଲଙ୍କା ଆଉ ଖେଳିବ ଦୁଇଟି ମ୍ୟାଚ୍
ଶ୍ରୀଲଙ୍କାକୁ ଆଉ ଦୁଇଟି ଟେଷ୍ଟ ମ୍ୟାଚ ଖେଳିବାର ବାକି ଅଛି । ସେଗୁଡିକ ଦଳ ନ୍ୟୁଜିଲାଣ୍ଡ ବିପକ୍ଷରେ ଖେଳିବା ଯଦିଓ ଶ୍ରୀଲଙ୍କା ଦଳ ଉଭୟ ମ୍ୟାଚ୍ ଜିତେ, ତଥାପି ଏହାର ପାଖାପାଖି ୬୧% ପଏଣ୍ଟ ରହିବ । ଏଭଳି ପରିସ୍ଥିତିରେ ଭାରତୀୟ ଦଳ ଆଗାମୀ ମ୍ୟାଚରେ ଭଲ ପ୍ରଦର୍ଶନ କରି ସହଜରେ ଆଗକୁ ଯାଇପାରିବ ।