ଫୁଲବାଣୀ:
କନ୍ଧମାଳ ଜିଲ୍ଲା ଚକାପାଦ ଥାନା ଅନ୍ତର୍ଗତ ଗଞ୍ଜାମ ଓ କନ୍ଧମାଳ ସୀମାନ୍ତ ବଦାଙ୍ଗୀ ଗ୍ରାମ ନିକଟରେ ଡକାୟତି ଉଦ୍ୟମ ପଣ୍ଡ ହୋଇଛି । ଯାହା ସୂଚନା ରହିଚି ବିଳମ୍ବିତ ରାତିରେ ଗୋଟିଏ ବ୍ରୟେଲର୍ ଗାଡ଼ି ଆସୁଥିବା ସମୟରେ ବନ୍ଦାଙ୍ଗୀର ମୁଖ୍ୟ ରାସ୍ତା ଜମ୍ବୁ ବଣିଆ ବ୍ରିଜ୍ ନିକଟରେ କିଛି ଡକାୟତ ଛପି ରହିଥିଲେ କିନ୍ତୁ ଗାଡ଼ି ଚାଳକ ଡକାୟତ ଉଦ୍ୟମ ଜାଣିପାରିବ ପରେ ସେଠୁ ଗାଡ଼ିକୁ ବୁଲାଇ ଚାଲି ଆସିବା ସଙ୍ଗେ ସଙ୍ଗେ ଗ୍ରାମବାସୀଙ୍କୁ ଫୋନ ଯୋଗେ ଜାଣଇ ଥିଲା । ଗ୍ରାମବାସୀ ଘଟଣା ଜାଣିବା ପରେ ଘଟଣା ସ୍ଥଳରେ ପହଞ୍ଚିଥିଲେ, ସେଠି ଡକାୟତ କରିବା ଉଦ୍ଦେଶ୍ୟରେ ଥିବା ଗ୍ୟାଙ୍କ ଛତ୍ର ଭଙ୍ଗ ଦେଇଥିଲେ ।
ଏ ନେଇ ଗ୍ରାମବାସୀ ପୋଲିସ କୁ ଖବର୍ ଦେବାପରେ ପୋଲିସ ଘଟଣା ସ୍ଥଳରେ ପହଞ୍ଚି ଖୋଜିବା ପରେ ଗୋଟଏ ଡକାୟତ ଆହତ ଅବସ୍ଥାରେ ତଳେ ପଡିଥିଲ । ତାର ଗୋଡକୁ ଗୁଳି ବାଜିଥିବା ଯୋଗୁଁ ଗୁରୁତର ଅବସ୍ଥାରେ ବ୍ରାହ୍ମଣପାଦ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଭର୍ତ୍ତି କରାଯାଇଥିଲା । ପରେ ଡକାୟତ ଜଣକ ମୃତ୍ୟୁବରଣ କରିଥିବା ଜଣାପଡିଛି । ପୋଲିସ ବହୁ ଖୋଜା ଖୋଜି ପରେ ଦୁଇଟି ବନ୍ଧୁକ, କିଛି ଇଲେଟ୍ରି ତାର ଓ ଗୋଟଏ ପଲସର ବାଇକ୍ ଜବତ କରିବା ସହ ଜଣେ ଡକାୟତକୁ ଅଟକ ରଖି ଚକାପାଦ ପୋଲିସ ଘଟଣାର ତଦନ୍ତ ଚଳାଇଛି ।