ସମ୍ବଲପୁର : ସମ୍ବଲପୁର ଡେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ଓ ବନ୍ୟପ୍ରାଣୀ ସଂଖ୍ୟା ବୃଦ୍ଧି ପାଇଁ ସମ୍ବଲପୁର ପ୍ରାଣୀ ଉଦ୍ୟାନରୁ ଚିତା ମୃଗ ସ୍ଥାନାନ୍ତରିତ ପ୍ରକିୟା ଆରମ୍ଭ ହୋଇଛି। ଆଜି ସକାଳେ ପ୍ରଥମ ପର୍ଯ୍ୟାୟରେ ୧୨ ଗୋଟି ହରିଣ ସ୍ଥାନାନ୍ତରିତ ହୋଇଥିଲା। ସେହିପରି ଦିନତମାମ ପ୍ରତ୍ୟେକ ବ୍ୟାଚ୍ରେ ୧୨-୧୬ ପର୍ଯ୍ୟାୟରେ ମୋଟ ୧୧୫ଟି ଚିତା ମୃଗ ସ୍ଥାନାନ୍ତରିତ ହୋଇଥିବା ଜଣାପଡ଼ିଛି। ଡେବ୍ରିଗଡ଼ କ୍ୱାରାଣ୍ଟିନ୍ ଏନକ୍ଲୋଜରରେ ହରିଣମାନଙ୍କୁ ରଖାଯାଇଛି। ଏହି ଏନକ୍ଲୋଜର ୧.୨ ହେକ୍ଟର ରହିଥିବା ବେଳେ ସେଥିରେ ସଲ୍ଟଲିକ୍, ୱାଟର ପୁଲ୍, ଟ୍ରିଟମେଣ୍ଟ କେୟାର ୟୁନିଟ୍, ସିସିଟିଭି କ୍ୟାମେରା ଗୋଟିଏ ଜରୁରୀକାଳୀନ ସ୍ୱାସ୍ଥ୍ୟସେବା ୟୁନିଟ୍ ରହିଛି। ଏହା ସହ ଚାରି ପାଖରେ ସୁରକ୍ଷା ବ୍ୟବସ୍ଥା କରାଯାଇଛି। ହରିଣମାନେ ପ୍ରାୟ ୩ ରୁ ୪ ସପ୍ତାହ ପର୍ଯ୍ୟନ୍ତ କ୍ୱାରାଣ୍ଟିନରେ ରହିବେ ଏବଂ ପରେ ସେମାନଙ୍କୁ ଡେବ୍ରିଗଡ଼ର ପ୍ରାକୃତିକ ବାସସ୍ଥାନରେ ମୁକ୍ତ କରାଯିବ। ଏହି ସ୍ଥାନ ଆଂଶିକ ଭାବରେ ଉଭୟ ଚରିବା ଏବଂ ବିଚରଣ କରିବା ପାଇଁ ଉପଯୁକ୍ତ ଘାସଭୂମି, ଜଙ୍ଗଲ, ସଂଲଗ୍ନ ହିରାକୁଦ୍ ଜଳଭଣ୍ଡାରକୁ ଆଚ୍ଛାଦିତ କରୁଛି। ଏହା ହରିଣମାନଙ୍କୁ ତୃଣଭୂମି, ଜଙ୍ଗଲ ଏବଂ ଜଳଭଣ୍ଡାରରେ ଅଭ୍ୟସ୍ତ କରିବାରେ ସାହାଯ୍ୟ କରିବ। ୭ ରୁ ୮ ପ୍ରକାରର ଖଜୁରୀ ଘାସ (ଡିକାନଥିୟମ୍, ହେଟେରୋପୋଗନ୍, କ୍ଲୋରିସ୍, ଭିଟିଭର୍, ସିନୋଡନ୍ ଇତ୍ୟାଦି) ସହିତ ୧୦ ରୁ ୧୨ ଟି ବ୍ରାଉଜେବଲ୍ ଚାରା କିସମ ଔଷଧୀୟ ଓ ପୁଷ୍ଟିକର ବୃକ୍ଷ ରହିଛି। ସମସ୍ତ ହରିଣର ସ୍ୱାସ୍ଥ୍ୟ ଅବସ୍ଥା ଯାଞ୍ଚ କରାଯାଇଛି। ଏହା ସହ ସମସ୍ତେ ସୁସ୍ଥ ଥିବା ଜଣାପଡ଼ିଛି। ଭୁବନେଶ୍ୱରର ବନ୍ୟଜନ୍ତୁ ସ୍ୱାସ୍ଥ୍ୟ କେନ୍ଦ୍ର ପରୀକ୍ଷା କରି ଏହି ସାର୍ଟିଫିକେଟ୍ ପ୍ରଦାନ କରିଛି। ଏ ସମ୍ପର୍କରେ ହୀରାକୁଦ ଡିଏଫଓ ଅଂଶୁପ୍ରଜ୍ଞା ଦାସ ସୂଚନା ଦେଇଛନ୍ତି ଯେ, ଡେବ୍ରିଗଡ଼ ଅଭୟାରଣ୍ୟରେ ଚିତା ହରିଣ ଜନସଂଖ୍ୟା ବୃଦ୍ଧି ପାଇବ। ଏହା ସହ ସମ୍ବଲପୁର ପ୍ରାଣୀ ଉଦ୍ୟାନରେ ନୂତନ ପ୍ରାଣୀ ରହିବା ପାଇଁ ଚିତା ହରିଣକୁ ସ୍ଥାନାନ୍ତରଣ କରାଯାଉଛି। ସମ୍ୱଲପୁର ପ୍ରାଣୀ ଉଦ୍ୟାନକୁ ରୟାଲ ବେଙ୍ଗଲ ଟାଇଗର ଆସିବାର ପ୍ରକିୟା ଶେଷ ହୋଇଛି। ଗ୍ଲାସ ପ୍ୟାନେଲ ପାଚେରୀ ଏନକ୍ଲୋଜର ପାଇଁ ପ୍ରସ୍ତାବ ଦିଆଯାଇଛି। ‘ବୋମା କ୍ୟାପଚରିଂ ଟେକ୍ନିକ୍’ରେ ସ୍ଥାନାନ୍ତରିତ ପ୍ରାଣୀ ଉଦ୍ୟାନରୁ ଅଭୟାରଣ୍ୟକୁ ବୋମା କ୍ୟାପଚରିଂ ଟେକ୍ନିକ୍ରେ ଡେବ୍ରିଗଡ଼କୁ ହରିଣ ସ୍ଥାନାନ୍ତରିତ କରାଯାଇଥିଲା।ଏହି ପଦ୍ଧତି ଆଫ୍ରିକାରୁ ଆରମ୍ଭ ହୋଇଥିଲା। ଚିତା ହରିଣ ପ୍ରାଣୀ ଉଦ୍ୟାନ ନିକଟରେ ଏକ ଫନେଲ ଆକୃତିର ଏନକ୍ଲୋଜରରେ ପ୍ରବେଶ କରିବାକୁ ପ୍ରଲୋଭିତ ହୋଇଥିଲେ। ଏନକ୍ଲୋଜର ଏହି ଫନେଲ ଆଭ୍ୟନ୍ତରୀଣ ଭାବରେ ଟ୍ରାନ୍ସଲୋକେସନ୍ ଯାନ ସହିତ ସଂଯୁକ୍ତ ହୋଇଛି। ଘାସ ମ୍ୟାଟ୍, ଗୁନି ବ୍ୟାଗ ଏବଂ ପଶୁମାନଙ୍କ ପାଇଁ ଅସ୍ପଷ୍ଟ ରହିଥିଲା। ପ୍ରକ୍ରିୟା ଶୀତଳ ଏବଂ ବିଶୃଙ୍ଖଳା ମୁକ୍ତ ପରିବେଶ ସୃଷ୍ଟି କରାଯାଇଥିଲା। ଟେଲିଫୋନ ମାଧ୍ୟମ ରେ ଆମକୁ ଜଣାଇଲେ ଶ୍ରୀମତୀ ଅଂଶୁ ପ୍ରଜ୍ଞାନ ଦାସ ଡିଏଫ୍ ଓ ହିରାକୁଦ ବନ୍ୟପ୍ରାଣୀ ବିଭାଗ ଏବଂ ନିର୍ଦ୍ଦେଶକ ସମ୍ବଲପୁର।