ପୁରୀ :

ଧର୍ମଗଡ଼ର ନିଖୋଜ ଯୁବକ ଉଦ୍ଧାର, ନିଖୋଜ ଥିବା ଯୁବକ ଦେଢ ବର୍ଷ ପରେ ପିପିଲିରୁ ଉଦ୍ଧାର ହୋଇଛନ୍ତି । ଧର୍ମଗଡ଼ ଥାନା ଅନ୍ତର୍ଗତ ସନ୍ଧିକୁଳିଆରୀ ଗ୍ରାମର ନିଖୋଜ ଯୁବକ ଜିଚେନ୍ଦ୍ର ବେହେରା(୨୪)ଙ୍କୁ ଆଜି ପିପିଲିରୁ ଉଦ୍ଧାର କରିଛନ୍ତି ପରିବାର ଲୋକ । ଗତକାଲି ପିପିଲିର ସାମାଜିକ କର୍ମୀ ଭାଗିରଥି ନାୟକ ଜିଚେନ୍ଦ୍ରଙ୍କୁ ବୁଲୁଥିବାର ଦେଖିବା ପରେ ତାଙ୍କ ସହ କଥାହୋଇ ତାଙ୍କ ଘର କଳାହାଣ୍ଡି ଜିଲ୍ଲା ଧର୍ମଗଡ଼ରେ ବୋଲି ଠିକଣା ସହ ଜିଚେନ୍ଦ୍ର କହିଥିଲେ । ପରେ ଧର୍ମଗଡ଼ରେ ଥିବା ନିଜର ଜଣେ ବନ୍ଧୁଙ୍କ ମାଧ୍ୟମରେରେ ଜିଚେନ୍ଦ୍ରଙ୍କ ପରିବାର ସହ ଯୋଗାଯୋଗ କରିଥିଲେ ।

କଥା ହେବା ପରେ ସେ ଦେଢ ବର୍ଷ ହେବେ ଘରୁ କେଉଁ ଆଡେ ଚାଲିଯିବା ସହ ସାମନ୍ୟ ମାନସିକ ବିକାରଗ୍ରସ୍ଥ ବୋଲି ଜାଣିବାକୁ ପାଇଥିଲେ । ଏ ସମ୍ପର୍କରେ ପରିବାର ଲୋକ ଜୁନାଗଡ଼ ଥାନାରେ ଅଭିଯୋଗ ଦେଇଥିଲେ ସୁଦ୍ଧା ଜିଚେନ୍ଦ୍ରଙ୍କ କୌଣସି ପତ୍ତା ମିଳିନଥିଲା । ତେବେ ଆଜି ପରିବାର ଲୋକ ଖବର ପାଇ ପିପିଲିରେ ପହଞ୍ଚିବା ପରେ ପିପିଲି ଥାନା ଠାରେ ତାଙ୍କ ବାପା ଓ ଭାଇଙ୍କ ନିକଟରେ ଜିଚେନ୍ଦ୍ରଙ୍କୁ ପୋଲିସ ହସ୍ତାନ୍ତର କରିଛି ।