ଘୁ.ଉଦୟଗିରି :

କନ୍ଧମାଳ ଜିଲ୍ଲା ଅଧିନସ୍ଥ ଘୁ.ଉଦୟଗିରି ବ୍ଲକ ପରିସରରେ ନିଯୁକ୍ତି ଓ ପରାମର୍ଶ ଭିତ୍ତିକ ନିଯୁକ୍ତି ମେଳା ଅନୁଷ୍ଠିତ ହୋଇଯାଇଛି । ଏହି ମେଳାରେ ବ୍ଲକର ସମସ୍ତ ପଞ୍ଚାୟତର ୩୬୬ ଜଣ ଯୁବକଯୁବତୀ ଯୋଗ ଦେଇଥିଲେ । ନିଯୁକ୍ତି ମେଳାରେ ଯୋଗ ଦେଇଥିବା ୩୬୬ଜଣ ଯୁବକଯୁବତୀ ନିଜ ନିଜର ନାମ ପଞ୍ଜିକରଣ କରିଥିଲେ । ଅଞ୍ଚଳର ବେକାର ଯୁବକଯୁବତୀଙ୍କ ପାଇଁ ଏହା ଏକ ସୁଯୋଗ ଯାହା ରାଜ୍ୟ ସରକାରଙ୍କ ଦ୍ୱାରା ଏହି କାର୍ଯ୍ୟକ୍ରମ ମାଧ୍ୟମରେ ସମସ୍ତ ଶିକ୍ଷିତ ବେକାର ଯୁବକ ଯୁବତୀଙ୍କ ନିଯୁକ୍ତି ସୁଯୋଗ ସୃଷ୍ଟି କରାଯାଇଛି ।

ଆଜିକାର ଏହି ନିଯୁକ୍ତି ଓ ପରାମର୍ଶ ଭିତ୍ତିକ ନିଯୁକ୍ତି ମେଳା ରେ ୨୨ ଗୋଟି ବିଭିନ୍ନ କମ୍ପାନୀ ଉପସ୍ଥିତ ରହି ବେକାର ଯୁବକଯୁବତୀଙ୍କୁ ସେମାନଙ୍କ କମ୍ପାନୀରେ ତାଲିମ ପାଇଁ ଚୟନ କରିଥିଲେ । ଏହି କାର୍ଯ୍ୟକ୍ରମରେ ଓରମାସର ଜିଲ୍ଲା ଦକ୍ଷତା କଡିନେଟର ଭବାନୀ ଶଙ୍କର ଦାସ, ଜିଲ୍ଲା ଏମ୍ପ୍ଲଇମେଣ୍ଟ ଅଫିସର ଭୃଙ୍ଗରାଜ ମହାନ୍ତି, ସ୍ଥାନୀୟ ଗୋଷ୍ଠୀ ଉନ୍ନୟନ ଅଧିକାରୀ ଆଶିଷ କୁମାର ତ୍ରିପାଠୀ, ଅଧ୍ୟକ୍ଷ ହୃଦାନନ୍ଦ କହଁର, ବିସିସିଓ ସଂଗୀତା ବେହେରା, ଓଏଲେମ ବିପିଓ ସାନୁଜ କୁମାର ପ୍ରଧାନ, କଡିନେଟର ବିଏଲସି ରତିକାନ୍ତ ସାହୁ ଓ ସମସ୍ତ ପିଏଆଇ ଯୋଗ ଦେଇଥିଲେ ।