ନୟାଗଡ :
ନୟାଗଡ଼ ସଦର ଖେଡପଡା ଗ୍ରାମରେ ଚୋରାରେ ଦେଶୀ ମଦ ବ୍ୟବସାୟ ହେଉଥିବା ନେଇ ପୁଲିସ ବିଶେଷ ସୁତ୍ରରୁ ଖବର ପାଇଁ ଘଠଣାସ୍ଥଳରେ ସଦଳବଳେ ଚଢଉ କରିଥିଲା । ଚଢଉ ସମୟରେ ୨୫୦ ପ୍ୟାକେଟ୍ ପାଉଜ୍ ଦେଶୀ ମଦ ଜବତ କରିବା ସହ ଦେଶି ମଦ ବ୍ୟବସାୟୀକୁ ଗିରଫ୍ କରିଛି । ସୂଚନାନୁସାରେ, ନୟାଗଡ ସଦର ଥାନା ଅନ୍ତର୍ଗତ ଖେଡପଡା ଗ୍ରାମର ପ୍ରତାପ ମଣ୍ଡଳ ଓରଫ ଜିତୁ(୩୫) ଘରେ ଚୋରାରେ ଦେଶୀ ମଦ ବ୍ୟବସାୟ କରୁଥିଲା । ଚୋରାରେ ଦେଶୀ ମଦ ଘରେ ମେସିନ୍ ମାଧ୍ୟମରେ ପାଉଜ୍ ପ୍ୟାକେଟ୍ କରି ବାହାରେ ବିକ୍ରି କରୁଥିଲା ।
ତେବେ ମଙ୍ଗଳବାର ସଦରଥାନା ପୁଲିସ୍ ବିଶେଷ ସୁତ୍ରରୁ ଖବର ପାଇ ପ୍ରତାପଙ୍କ ଘରେ ଚଢଉ କରିଥିଲା । ଉକ୍ତ ସମୟରେ ଘରୁ ୨୫୦ ପ୍ୟାକେଟ୍ ଦେଶୀ ମଦ ପାଉଜ୍ ଜବତ କରିବା ସହ, ସଦରଥାନାରେ କେସ୍ ନଂ-୧୮୭/୨୦୨୧ରେ ମାମଲା ରୁଜୁରକି ପ୍ରତାପକୁ ଗିରଫ୍ କରି କୋର୍ଟ ଚାଲାଣ କରାଯାଇଛି ବୋଲି ସଦରଥାନା ଅଧିକାରୀ ଦୀପକ୍ କୁମାର ଖଣ୍ଡାୟତରାୟ ସୂଚନା ଦେଇଛନ୍ତି ।