ଦାରିଙ୍ଗବାଡ଼ି ୮/୩:ଦାରିଙ୍ଗବାଡ଼ି ବ୍ଲକ କଂଗ୍ରେସ ଦଳ ତରଫରୁ ଆଜି ବିଶ୍ୱ ମହିଳା ଦିବସ ପାଳନ କରାଯାଇଛି l ବ୍ଲକ ଅଧ୍ୟକ୍ଷା ରୁଦା ମଳିକ ଙ୍କ ତତ୍ୱବାଧାନରେ ରାଶିପଦା ପଡ଼ିଆ ଠାରେ ଅନୁଷ୍ଠିତ ହୋଇଥିବା ଏହି କାର୍ଯ୍ୟକ୍ରମରେବ୍ରାହ୍ମଣୀଗାଁ,ପର୍ତ୍ତମାହା ,ଗ୍ରୀନବାଡ଼ି ଦାରିଙ୍ଗ ବାଡ଼ି ଆଦି ଅଞ୍ଚଳର ବହୁ ସଂଖ୍ୟକ ମହିଳା ମାନେ ଯୋଗଦେଇଥିଲେ l କାର୍ଯ୍ୟକ୍ରମ ରେ ମହିଳା ମାନଙ୍କୁ ସାହସୀ ହେବା ସହିତ ଅନ୍ୟାୟ ବିରୁଦ୍ଧରେ ଲଢେଇ କରି ଦେଶକୁ ଆଗେଇନେବାକୁ ବ୍ଲକ ଅଧ୍ୟକ୍ଷା ପରାମର୍ଶ ଦେଇଥିଲେ l ଏହାପରେ ମହିଳାମାନଙ୍କୁ ଉତ୍ସାହିତ କରିବା ପାଇଁ ଦୌଡ଼ ,ସଂଗୀତ ଓ କୁଇଜ ପ୍ରତିଯୋଗିତା କରାଯାଇଥିଲା l ବିଜେତା ମହିଳାଙ୍କୁ ବ୍ଲକ ଅଧ୍ୟକ୍ଷା ପୁରସ୍କୃତ କରିଥିଲେ l ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଜିଲ୍ଲା ପରିଷଦ ସଦସ୍ୟ ସଂଧ୍ୟାରଣୀ ପ୍ରଧାନ ,ପୂର୍ବତନ ବ୍ଲକ ଉପାଧ୍ୟକ୍ଷା ବିଳାସିନୀ ନାୟକ,ବିଦ୍ୟାଧର ମଲିକ ,ଚକ୍ରଧର ମଲିକଙ୍କ ସମେତ ବହୁ ସଂଖ୍ୟକ ମହିଳାମାନେ ଯୋଗ ଦେଇଥିଲେ l