ଫୁଲବାଣୀ:
ସେଣ୍ଟଜୋନ୍ ଆମ୍ବୁଲାନ୍ସର କନ୍ଧମାଳ ଜିଲ୍ଲା ଶାଖାର ଅନରାରୀ ଯୁଗ୍ମସଂପାଦକ ଭାବେ ଫୁଲବାଣୀର ସମାଜସେବୀ ତଥା ସୁସଂଗଠକ ପ୍ରଶାନ୍ତ କୁମାର ବେହେରାଙ୍କୁ ମନୋନୀତ କରିଛନ୍ତି ଅନୁଷ୍ଠାନର ରାଜ୍ୟ ସମ୍ପାଦକ ଡ.ସନତ କୁମାର ପଟ୍ଟନାୟକ । ଏହି କାର୍ଯ୍ୟରେ ଗତ ମାସ ୨୯ ତାରିଖରେ ତାଙ୍କୁ ନିଯୁକ୍ତ କରିବା ସହିତ ନିଯୁକ୍ତି ପତ୍ର କନ୍ଧମାଳ ଜିଲ୍ଲାପାଳଙ୍କ ନିକଟକୁ ଏବଂ ଏସପି, ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଓ ଜିଲ୍ଲା ସଡକ ପରିବହନ ଅଧିକାରୀଙ୍କ ନିକଟକୁ ଚିଠି ଜରିଆରେ ଜଣାଇଛନ୍ତି ରାଜ୍ୟ ସମ୍ପାଦକ । ଆଜି ଏହି ଚିଠି କନ୍ଧମାଳ ଜିଲ୍ଲାପାଳଙ୍କୁ ପ୍ରଦାନ କରିଛନ୍ତି ଦାୟିତ୍ୱ ନେଇଥିବା ଯୁଗ୍ମସଂପାଦକ ।
ଅନୁଷ୍ଠାନ ପକ୍ଷରୁ ଜିଲ୍ଲାରେ ସଡକ ଦୁର୍ଘଟଣା ଏବଂ ବିଭିନ୍ନ ପ୍ରାକୃତିକ ବିପର୍ଯ୍ୟୟ ଓ ଅନ୍ୟାନ୍ୟ ଦୁର୍ଘଟଣାରେ ଆହତ ମାନଙ୍କୁ କିପରି ଭାବରେ ପ୍ରାଥମିକ ଚିକିତ୍ସା ପ୍ରଦାନ କରାଯିବ ଏହି ସମ୍ପର୍କରେ କନ୍ଧମାଳ ଜିଲ୍ଲାର କାର୍ଯ୍ୟରତ ଗାଡି ଡ୍ରାଇଭର,କଣ୍ଡକ୍ଟର, ସେଚ୍ଛାସେବୀ, ଅନୁଷ୍ଠାନର କର୍ମଚାରୀ ଏବଂ ସ୍ୱେଚ୍ଛାସେବୀ ମାନଙ୍କୁ ସେଣ୍ଟଜୋନ୍ ଆମ୍ବୁଲାନ୍ସ ପକ୍ଷରୁ ତାଲିମ ପ୍ରଦାନ କରାଯିବ । ଯାହା ଫଳରେ ଜିଲ୍ଲାରେ ଘଟୁଥିବା ସଡକ ଦୁର୍ଘଟଣା ଓ ଅନ୍ୟାନ୍ୟ ଦୁର୍ଘଟଣାରେ ଆହତ ମାନଙ୍କୁ ଡାକ୍ତରଖାନା ନେବା ପୂର୍ବରୁ ପ୍ରାଥମିକ ଚିକିତ୍ସା ପ୍ରଦାନ କରାଗଲେ ପରେ ସେମାନଙ୍କୁ ଚିକିତ୍ସା ଠିକ୍ ଭାବରେ କରାଯିବ । ଏହାଦ୍ୱାରା ଦୁର୍ଘଟଣା ଜନିତ ମୃତ୍ୟୁହାର କମ ହୋଇ ପାରିବ ବୋଲି କହିଛନ୍ତି ଅନୁଷ୍ଠାନର ଯୁଗ୍ମସଂପାଦକ ।