ଖଡିଆଳ: ନୂଆପଡା ଜିଲ୍ଲା ଖଡିଆଳ ସ୍ଥିତ ଖଡ଼ିଆଳ ସ୍ୱୟଂ ଶାସିତ ମହାବିଦ୍ୟାଳୟ ପରୀକ୍ଷା ଫଳ ଘୋଷଣା ହୋଇଯାଇଅଛି । କଲେଜ୍ ଅଧ୍ୟକ୍ଷ ଡ.ତରୁଣ କୁମାର ପ୍ରଧାନ, ପରୀକ୍ଷା ନିୟନ୍ତ୍ରକ ଡ.ପଦ୍ମଲୋଚନ ବର୍ମା, ଉପ ପରୀକ୍ଷା ନିୟନ୍ତ୍ରକ ରାଜଲକ୍ଷ୍ମୀ ରଥ, ଯୁକ୍ତ ଦୁଇ କଲେଜ୍ ଅଧ୍ୟକ୍ଷ ଡ.ଅଶ୍ୱିନୀ ପାଢୀ, ଅଧ୍ୟାପକ ରଣବୀର ସିଂ, ଡ. ମହମ୍ମଦ ୟମିନ, ପ୍ରଶାନ୍ତ ପଣ୍ଡା, ସୁଘୋଷ ପଟ୍ଟନାୟକ ପ୍ରମୁଖ ଉପସ୍ଥିତିରେ ପରୀକ୍ଷା ଫଳ ପ୍ରକାଶିତ ହୋଇଅଛି । ସ୍ନାତକରେ ପାସ ହାର ୭୭.୬% ପ୍ରତିଶତ ରହିଥିବା ବେଳେ ସ୍ନାତୋତ୍ତର ପାସ ହାର ୮୫.୦୬,% ରହିଅଛି । ଖଡ଼ିଆଳ କଲେଜ୍ ରେ ମୋଟ ୪୧୧ ବିଦ୍ୟାର୍ଥୀ ପରୀକ୍ଷାରେ ଅଂଶ ଗ୍ରହଣ କରିଥିବା ବେଳେ ୩୧୯ ଜଣ ଉତ୍ତୀର୍ଣ୍ଣ ହୋଇଛନ୍ତି । ୯୨ ଜଣଙ୍କ ବ୍ୟାକ୍ ଲାଗିଥିବା ଜଣାପଡିଅଛି । ସେହିପରି ସ୍ନାତୋତ୍ତରରେ ୯୦ ଜଣ ପରୀକ୍ଷାର୍ଥୀ ଅଂଶ ଗ୍ରହଣ କରିଥିବା ବେଳେ ୭୭ ଜଣ ପାସ ହୋଇଛନ୍ତି । ୧୩ ଜଣଙ୍କ ବ୍ୟାକ ଲାଗିଥିବା ଜଣାପଡିଅଛି ।