ନୂଆଗାଁ : ନୟାଗଡ ଜିଲ୍ଲା (ନୂଆଗାଁ )ଜାତୀୟ ରାଜପଥ ୫୭ ସୋରଡା ନିକଟରେ ଏକ ଦୁର୍ଘଟଣା ଘଟି ଜଣେ ଗାଡି ଚାଳକ ଗୁରୁତର ହୋଇଥିବା ଜଣାପଡିଛି । ସୂଚନାମୁତବକ ଆଜି ଏକ ଟାଟା ମିନିଟ୍ରକ (ନଂ-ଓଡି୦୨ବିଜେଡ୍୯୮୬୭) ପରିବା ନେଇ ବାରଗଡରୁ ଭୁବନେଶ୍ୱର ଅଭିମୁଖେ ଯାଉଥିବା ସମୟରେ ଭାରସାମ୍ୟ ହରାଇ ବାମପାର୍ଶ୍ୱରେ ଥିବା ଗଛରେ ଧକ୍କା ଦେଇଥିଲା । ଯଦ୍ୱାରା ଗାଡିର ସମ୍ମୁଖ ଭାଗ ଭାଙ୍ଗି ଯାଇଛି । ନୂଆଗାଁ ଅଗ୍ନିଶମ ବିଭାଗ ଖବର ପାଇ ଘଟଣା ସ୍ଥଳରେ ପହଞ୍ଚି ଥିଲେ । ଗାଡି ଭିତରେ ଫସିରହିଥିବା ଗାଡିଚାଳକ ଓ ସହଯୋଗୀକୁ ଉଧାର କରିଥିଲେ । ତତ ପରେ ନୟାଗଡ ମୁଖ୍ୟ ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତର କରାଯାଇଅଛି । ଘଟଣା ସ୍ଥଳରେ ନୂଆଗାଁ ପୋଲିସ ଉପସ୍ଥିତ ଥିବାର ସୂଚନା ମିଳିଛି । ଗାଡି ଚାଳକ ଜଣକ ହେଲେ ରଣପୁର ଗ୍ରାମର ସୂର୍ଯ୍ୟନାରାୟଣ ପୁତ୍ର ସାଲିଳା ବୋଲି ଜଣାପଡିଛି ।