ବଲାଙ୍ଗୀର : ପୁଇଁନ୍ତଲା ବ୍ଳକ ସାତମାଇଲ ଛକ ନିକଟରେ ସ୍ୱେଚ୍ଛାସେବୀ ସଂଗଠନ ୱିଂ ହ୍ୟୁମାନ୍ ତରଫରୁ ସେବାଶ୍ରମ ପାଇଁ ଭୂମି ପୂଜନ କରାଯାଇଛି । ସଂଗଠନ ସଭାପତି ସୋମନାଥ ମିଶ୍ରଙ୍କ ନେତୃତ୍ୱରେ ଅନୁଷ୍ଠିତ ଭୂମି ପୂଜନ କାର୍ଯ୍ୟକ୍ରମରେ ମୁଖ୍ୟ ଅତିଥି ପୁଇଁନ୍ତଲା ବ୍ଳକ ପଞ୍ଚାୟତ ସମିତି ଅଧ୍ୟକ୍ଷ ସରୋଜ ପଧାନ, ବହଲପଦର ସମିତି ସଭ୍ୟ ଶ୍ରୀପତି ବାଗ, ସରପଞ୍ଚ ଅଦୈତ୍ କର୍ଣ୍ଣ, ଅଙ୍କରିଆପଦର ସରପଞ୍ଚ, ସଂଗଠନ ଉପଦେଷ୍ଟା ଲୋଟସ୍ ସଡଙ୍ଗୀ, ଭଗବାନ ମିଶ୍ର ଓ ବହୁ ବିଶିଷ୍ଟ ବ୍ୟକ୍ତି ତଥା ସଂଗଠନ କର୍ମକର୍ତ୍ତା ଓ ଅଞ୍ଚଳର ଲୋକ ଉପସ୍ଥିତ ଥିଲେ । ସୂଚାଇ ଦିଆଯାଏ ଯେ, ୱିଂ ହ୍ୟୁମାନ ସଂଗଠନ ଦୀର୍ଘ ବର୍ଷ ଧରି ଅନାଥ ଦୁଃଖୀ ଅବହେଳିତ ଲୋକଙ୍କ ପାଇଁ ନିଜର ସେବା ସମର୍ପଣ ପାଇଁ କେବଳ ବଲାଙ୍ଗୀର ନୁହେଁ ରାଜ୍ୟର ଅନ୍ୟତମ ପ୍ରମୁଖ ସଂଗଠନ । ବିଭିନ୍ନ ଅଞ୍ଚଳରେ ସଂଗଠନ ଶାଖାରେ ବହୁ ଯୁବକ ଯୁବତୀ ସେବାକାର୍ଯ୍ୟ କରୁଛନ୍ତି । ସେବାଶ୍ରମ ସଂଗଠନର ସ୍ୱପ୍ନ ଖୁବଶୀଘ୍ର ପୂରଣ ହେବାକୁ ଯାଉଛି ଯାହା ଅନେକଙ୍କ ମୁହଁରେ ହସ ଫୁଟାଇବ । ସରକାରଙ୍କ ସହ ସହଯୋଗ କରିଥିବା ସମସ୍ତଙ୍କୁ କୃତଜ୍ଞତା ଜ୍ଞାପନ କରିଥିଲେ ।