ନୂଆପଡ଼ା : ନୂଆପଡା ଜିଲ୍ଲା ଓଡିଶା ପିଛା ଛାଡୁନି ଦୁର୍ଘଟଣା । ପୁଣି ଏକ୍ସପ୍ରେସରେ ଅଗ୍ନିକାଣ୍ଡ । ପୁରୀ-ଦୁର୍ଗ ଏକ୍ସପ୍ରେସରେ ଲାଗିଲା ନିଆଁ । ସୁଚନାଯୋଗ୍ୟ ଯେ ନୂଆପଡା ଖରିଆର ରୋଡ୍ ଷ୍ଟେସନ୍ ନିକଟରେ ଗତକାଲି ରାତି ୧୦ ଟା ସମୟରେ ଏଭଳି ଅଘଟଣ ଘଟିଥିଲା । ସୂଚନା ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ ।
ତେବେ ଏସି କୋଚରେ ବ୍ରେକ୍ ବାଇଣ୍ଡିଂରେ ସ୍ପାର୍କିଂ ଘଟି ନିଆଁ ଲାଗିଥିଲା । ଏହାପରେ ଟ୍ରେନ ତଳେ ହୁ ହୁ ହୋଇ ନିଆଁ ଜଳିବା ଆରମ୍ଭ କରିଦେଇଥିଲା । ଯାହାଦ୍ୱାରା ବଗି ଗୁଡିକରେ ମଧ୍ୟ ଧୂଆଁ ଭରିଯାଇଥିଲା । ତେବେ ଟ୍ରେନଟି ଷ୍ଟେସନ ପାଖାପାଖି ଥିବାରୁ ତାକୁ ଆୟତ କରିବାକୁ ସୁବିଧା ହୋଇଥିଲା । କିଛି ବଡ ଅଘଟଣ ଘଟିବା ପୂର୍ବରୁ ପରିସ୍ଥିତି ନିୟନ୍ତ୍ରଣକୁ ଆସିଯାଇଥିଲା ।
ଏହା ପୂର୍ବରୁ ଓଡିଶାରେ ୩ ଟି ସ୍ଥାନରେ ଟ୍ରେନ ଦୁର୍ଘଟଣା ଘଟି ଅନେକ ଧନ ଜୀବନ ନଷ୍ଟ କରିଦେଇଛି । ବାହାନଗାର କରମଣ୍ଡଳ ଏକ୍ସପ୍ରେସ ଦୁର୍ଘଟଣାରେ ହଜାର ହଜାର ଲୋକ ଏବେବି ଚିକିତ୍ସିତ । ଏଥିରେ ଶହ ଶହ ଲୋକଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା । ଅନ୍ୟପଟେ ବରଗଡରେ ଏକ ମାଲବାହି ଗାଡି ମଧ୍ୟ ଦୁର୍ଘଟଣା ଘଟିଥିଲା । କିନ୍ତୁ ସେଥିରେ କାହାର ଧନଜୀବନ କ୍ଷୟକ୍ଷତି ହୋଇନଥିଲା । ଏହାପରେ ଯାଜପୁରରେ ଗତ ବୁଧବାର ଦିନ ମାଲବାହି ଟ୍ରେନ ତଳେ କଟି ୬ ଜଣଙ୍କର ମୃତ୍ୟୁ ହୋଇଛି ।