ଚମ୍ପୁଆ:- ଚମ୍ପୁଆ ଅଂଚଳରେ ଦିନକୁ ଦିନ ଚୋରା ମହୁଲୀ କାରବାର ବୃଦ୍ଧି ପାଉଥିବା ବେଳେ ଅବକାରୀ ବିଭାଗ ପକ୍ଷରୁ ଚଢାଉକୁ ଜୋରଦାର କରାଯାଇଛି । ଚମ୍ପୁଆ ଏକ ଉପାନ୍ତ ଅଂଚଳ ହୋଇଥିବା ହେତୁ ଏହି ଅଂଚଳକୁ ପଡୋଶୀ ଝାଡଖଣ୍ଡ ରାଜ୍ୟରୁ ବିଭିନ୍ନ ମାଧ୍ୟମରେ ମହୁଲି ମଦ ଅନାୟସରେ ପ୍ରବେଶ କରିବା ସହ ଗାଁ ଗହଳି ଗୁଡିକରେ ବିକ୍ରି କରାଯାଉଛି । ଫଳରେ ଅବକାରୀ ବିଭାଗର ଏହା ମୁଣ୍ଡ ବ୍ୟଥାର କାରଣ ସାଜିଛି । ମାତ୍ର ଆଜି ସକାଳ ୭ ଘଟିକା ସମୟରେ ଅବକାରୀ ନିରୀକ୍ଷକ ଚନ୍ଦନ ମଣ୍ଡଳଙ୍କ ନିର୍ଦ୍ଦେଶ କ୍ରମେ ଉପନିରୀକ୍ଷକ ରମେଶ ଚନ୍ଦ୍ର ମହାନ୍ତି ଓ ଏଏସ୍ଆଇ କୃଷ୍ଣ ଚନ୍ଦ୍ର ସେଠୀ ଏବଂ ରଂଜନ ବିସୋଇ ସହଦଳବଳେ ପାଂଚପୋଖରିଆ ଆଡକୁ ଯାଉଥିବା ଏକ ୟାମାହା ମଟର ବାଇକକୁ ପିଛା କରିବା ସହିତ ପାଂଚପୋଖରିଆ ନିକଟରେ ଧରି ଯାଂଚ କରିବାରୁ ସେଥିରେ ଏକ ଏୟାର ବ୍ୟାଗରେ ୮ ଲିଟର ମହୁଲି ଥିବା ଜାଣିବାକୁ ପାଇଥିଲେ । ଫଳରେ ଅବକାରୀ ବିଭାଗ ବାଇକ ଓ ମହୁଲୀ ମଦକୁ ଜବତ କରିବା ସହିତ ବାଇକ ଚାଳକକୁ ଗିରଫ କରି କୋର୍ଟ ଫରୱାର୍ଡ କରିଥିବା ସୂଚନା ମିଳିଛି ।