ପୁରୀ:ପୁରୀରେ ଭାରତର ଏକ ନମ୍ବର ସେଫ ପଦ୍ମଶ୍ରୀ ସଞ୍ଜୀବ କପୁର । ଗତକାଲି ସନ୍ଧ୍ୟାରେ ପଦ୍ମଶ୍ରୀ ସଞ୍ଜିବ କପୁର ଶ୍ରୀମନ୍ଦିର ଯାଇ ଚତୁର୍ଦ୍ଧା ବିଗ୍ରହଙ୍କ ଦର୍ଶନ କରି ବେଶ୍ ଭାବବିହ୍ୱଳ ହୋଇ ପଡିଥିଲେ । ଏଥିସହ ମା ଲକ୍ଷ୍ମୀ ଓ ବିମଳାଙ୍କ ଦର୍ଶନ କରି ନିଜକୁ ଧନ୍ୟ ମନେ କରିଛନ୍ତି । ତେବେ ଯେତେଥର କପୁର ଓଡିଶା ଆସିଛନ୍ତି ମହାପ୍ରଭୁଙ୍କ ଡୋରି ଓ ଆଶୀର୍ବାଦ ଥିବାରୁ ସେ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିବାରେ ସଫଳ ହୋଇଛନ୍ତି । ୨୦୧୭ ପଦ୍ମଶ୍ରୀ ବିଜେତା ତଥା ସେଲିବ୍ରିଟି ସେଫ ସଞ୍ଜୀବ କପୁର ଏସିଆର ସର୍ବବୃହତ ତଥା ସବୁଠୁ ଲମ୍ବା ସମୟ ଧରି ଚାଲିଥିବା କୁକିଙ୍ଗ ଶୋ “ଖାନା ଖଜାନା’କୁ ହୋଷ୍ଟ କରୁଥିଲେ । ଯାହା ୨୦୧୦ରେ ସର୍ବାଧିକ ୫ଶହ ମିଲିଅନ ଭିୟୁର ଗୋଟାଇବାରେ ସଫଳ ହୋଇଥିଲା । ତେବେ ସଂଜୀବଙ୍କ ଶ୍ରୀମନ୍ଦିର ଗସ୍ତ ସମୟରେ ତାଙ୍କ ପତ୍ନୀ ଅଲ୍ୟନା କପୁର ମଧ୍ୟ ଆସିଥିଲେ ।