ନବରଙ୍ଗପୁର : ନବରଙ୍ଗପୁର ଜିଲ୍ଲା ଉଗାଦି ଉତ୍ସବ କମିଟି ପକ୍ଷରୁ ସ୍ଥାନୀୟ ଆରସିଡି ହାଇ ସ୍କୁଲ ପଡିଆ ଠାରେ ତେଲୁଗୁ ନବବର୍ଷ ଉଗାଦି ଉତ୍ସବ ମହାଆଡମ୍ବର ପାଳିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ଡ଼ଃ କମଳ ଲୋଚନ ମିଶ୍ର ଯୋଗ ଦେଉଥିବା ବେଳେ ସମ୍ମାନିତ ଅତିଥି ରୂପେ ପୂର୍ବତନ ସାଂସଦ ପ୍ରଦୀପ ମାଝୀ, ପର୍ଶୁରାମ ମାଝୀ, ଡାବୁଗାଁ ବିଧାୟକ ମନୋହର ରନ୍ଧାରୀ, ପୌର ଅଧକ୍ଷ କୁନୁ ନାୟକ, ପୂର୍ବତନ ବିଧାୟକ ସଦନ ନାୟକ, ଭୁଜବଳ ମାଝୀ ସହ ବହୁ ମାନ୍ୟଗଣ ବ୍ୟକ୍ତି ମାନେ ଯୋଗ ଦେଇଥିଲେ । କମିଟି ସଭ୍ୟ ମାନଙ୍କ ଦ୍ୱାରା ଗଣେଶ ପ୍ରତିମୂର୍ତ୍ତିରେ ପ୍ରଥମେ ପ୍ରଦୀପ ପ୍ରଜ୍ୱଳନ କରାଯାଇଥିଲା । ତେଲୁଗୁ ନବବର୍ଷ ଉଗାଦି ଅବସରରେ ପୁରୋହିତଙ୍କ ଦ୍ୱାରା ନୂତନ ପାଞ୍ଜି ପଠନ କରାଯାଇଥିଲା । ପରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ କରାଯାଇଥିଲା । ହାଇଦ୍ରାବାଦରୁ ତେଲୁଗୁ ଗାୟିକା ହନୁମାନ, ଭାରଦ୍ୱାଜ, ଶାବିନା ୱାସମୀନ, ଜବରଦସ୍ତ ଫେମ ଗ୍ରୁପର ପ୍ରବୀଣ, ଜିତେନ୍ଦ୍ର, ହରିତା ଓ ଭିଶାଖାପାଟନମର ଡ୍ୟାନ୍ସ ଗ୍ରୁପ କଳାକାରମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପ୍ରଦର୍ଶନରେ ହଜାର ହଜାର ଜନସାଧାରଣ ଭରପୁର ମଜା ଉଠାଇ ଥିଲେ । ଏହି ଅବସରରେ ମୁଖ୍ୟ ଅତିଥି ଜିଲ୍ଲାପାଳ ଡ଼ଃ କମଳ ଲୋଚନ ମିଶ୍ର ତେଲଗୁ ସମାଜର ପାଞ୍ଚ ଜଣ ବିଶିଷ୍ଠ ବ୍ୟକ୍ତିଙ୍କୁ ଉପଢୌକନ, ଫୁଲତୋଡା ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧନା କରିଥିଲେ । ଉକ୍ତ କାର୍ଯ୍ୟକ୍ରମକୁ ଉଗାଦି ଉତ୍ସବ କମିଟିର ଏନ. ମୋହନ ରାଓ, ରବି ପଟ୍ଟନାୟକ, ପି. ଭେଙ୍କଟ ରାଓ, ଏ. ସତୀଶ, ରବି ରେଡ୍ଡୀ ପ୍ରମୁଖ ପରିଚାଳନା କରିଥିବା ବେଳେ କମିଟିର ପ୍ରଭାକର ପାତ୍ର, ପାନିନ୍ଦ୍ରା ଆଚାରୀ , କେ. ଜଗନାଥ ରାଓ, ପ୍ରଭାକର ରାଓ, ମହେଶ ରାଓ, ରାଜା ରେଡ୍ଡୀ, ଭି .ରବି , କେ.ରାମା ରାଓ, କେ. କିଶୋର, କେ. ଉମା, ପି.ଭିମା ରାଓ, ସି.ଏଚ.ଈଶ୍ୱର ରାଓ ସମେତ କମିଟିର ବହୁ ସଭ୍ୟ ସହଯୋଗ କରିଥିଲେ ।