ସୋନପୁର : ସୋନପୁର ରେଞ୍ଜରେ ନୂତନ ଭାବେ ଯୋଗଦାନ ଦେଇଛନ୍ତି ରେଞ୍ଜର ଭାରତ ବନ୍ଧୁ ଶବର । ସୋନପୁର ରେଞ୍ଜରେ ବର୍ତ୍ତମାନ ବିଭିନ୍ନ ପ୍ରକାରର ଚାରା ରୋପଣ ସହ ବୃକ୍ଷ ରୋପଣ ପାଇଁ ଜନସଚେତନତା ସୃଷ୍ଟି କରିବା ପାଇଁ ଆହ୍ୱାନ ଦେଲେ ଶ୍ରୀଯୁକ୍ତ ଶବର । ଏହି ଅବସରରେ ଆଜିଠାରୁ ୧ ଟଙ୍କାରେ ଚାରା ବିକ୍ରୟ ବ୍ୟବସ୍ଥା କରିଥିବା ସୂଚନା ଦେଇଥିଲେ । ସୋନପୁର ଫରେଷ୍ଟ କର୍ମଚାରୀ ଓ ସ୍କ୍ୱାଡ ଟିମକୁ ନେଇ ଆଗକୁ କାର୍ଯ୍ୟକ୍ରମକୁ ସୂଚାରୁ ରୂପେ ପରିଚାଳନା କରିବା ପାଇଁ ସୂଚନା ଦେଇଥିଲେ । କୋଭିଡ ସମୟରେ ଅମ୍ଳଜାନର ଗୁରୁତ୍ୱକୁ ସମସ୍ତେ ଅଙ୍ଗେ ନିଭେଇ ସାରିଛନ୍ତି,ତେଣୁ ସମସ୍ତେ ଆଗେଇ ଆସନ୍ତୁ ଗଛ ଲଗେଇ ସୋନପୁରକୁ ସବୁଜ ସୁନ୍ଦର କରିବା ସହିତ ଅମ୍ଳଜାନ ଅଭାବକୁ ଦୂର କରିବା ପାଇଁ ଆହ୍ୱାନ ଦେଇଛନ୍ତି ।