ପାରଳାଖେମୁଣ୍ଡି: ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ବାର ଆସୋସିଏସନର ସଭାପତି ଭାବେ ସିଦ୍ଧେଶ୍ୱରର ମିଶ୍ର ନିର୍ବାଚିତ ହୋଇଛନ୍ତି । ଏନେଇ ଜିଲ୍ଲାଜଜ୍ଙ୍କ ଅଦାଲତ ପରିସରରେ ଥିବା ବାର ଆସୋସିଏସନ କାର୍ଯ୍ୟାଳୟରେ ଅନୁଷ୍ଠିତ ହୋଇଥିବା ନିର୍ବାଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ନିର୍ବାଚନ କେ.ତାତେୟା ନିର୍ବାଚନ ଅଧିକାରୀ ଭାବେ ଯୋଗଦେଇ ନିର୍ବାଚନ ପରିଚାଳନା କରିଥିଲେ । ଗଣତି ପରେ ବରିଷ୍ଠ ଆଇନଜୀବି ସିଦ୍ଧେଶ୍ୱର ମିଶ୍ର ସଭାପତି ଭାବେ ନିର୍ବାଚିତ ହୋଇଥିବା ବେଳେ ତାଙ୍କ ନିକଟତମ ପ୍ରତିଦ୍ୱନ୍ଦୀ ପାଣ୍ଟଲା ପ୍ରସାଦଙ୍କୁ ୧୨ଗୋଟି ଭୋଟ ବ୍ୟବଧାନରେ ପରାସ୍ତ କରିଛନ୍ତି । ସେହିପରି ସମ୍ପାଦକ ଭାବେ ଏମ୍.ପୃଥିବୀରାଜ ନିର୍ବାଚିତ ହୋଇଥିବା ବେଳେ ତାଙ୍କ ନିକଟତମ ପ୍ରତିଦ୍ୱନ୍ଦୀ କୃଷ୍ଣମୋହନ ପଟ୍ଟନାୟକଙ୍କୁ ୪ଖଣ୍ଡ ଭୋଟ ବ୍ୟବଧାନରେ ପରାସ୍ତ କରିଛନ୍ତି । ଏହି ପଦପଦବୀ ନିମନ୍ତେ ନିର୍ବାଚନ ହୋଇଥିବା ବେଳେ ଅନ୍ୟ ସବୁ ପଦପଦବୀ ଗୁଡିକରେ ନିଦ୍ୱର୍ନ୍ଦ୍ୱରେ ନିର୍ବାଚିତ ହୋଇଥିବାର ଜଣାପଡିଛି । ସେଗୁଡିକ ହେଲା ଯଥା ଉପସଭାପତି ଭାବେ କେ. ବାବୁ ରାଓ, ସହ ସହସମ୍ପାଦକ ଭାବେ ସତ୍ୟନାରାୟଣ ପାଢୀ, କୋଷାଧ୍ୟକ୍ଷ ଭାବେ ଶଶାଙ୍କ ଶେଖର ସାବତ, ଲାଇବ୍ରେରିୟନ ଭାବେ ସନ୍ଦୀପ ପଟ୍ଟନାୟକ ନିଦ୍ୱର୍ନ୍ଦ୍ୱରେ ନିର୍ବାଚିତ ହୋଇଥିବାର ଜଣାପଡିଛି । ଏତଦ୍ ବ୍ୟତୀତ କାର୍ଯ୍ୟକାରୀ ସଦସ୍ୟ ଭାବେ ଜିତେନ୍ଦ୍ର ପଟ୍ଟନାୟକ, ଏମ୍.ଗୋପାଳ ରାଓ, ୱାଇ. ଶିବ କୁମାର, ଗୌରୀ ଦେବୀ, ବି.ଚନ୍ଦନ ପଟ୍ଟନାୟକ, ପି. ବିଶ୍ୱନାଧମ ପ୍ରମୁଖ ନିଦ୍ୱର୍ନ୍ଦ୍ୱରେ ନବନିର୍ବାଚିତ ହୋଇଥିବାର ଘୋଷଣା କରାଯାଇଛି । ନବ ନିର୍ବାଚିତଙ୍କୁ ଜିଲ୍ଲାକୋର୍ଟ ତରଫରୁ ଏବଂ ଅନ୍ୟାନ୍ୟ କୋର୍ଟ ଓ ଓକିଲବୃନ୍ଦ ଶୁଭେଚ୍ଛା ଜଣାଇଛନ୍ତି ।