ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ବିଜେପି ସାଂସଦ । ଧାନ ବିକ୍ରି ପଞ୍ଜିକରଣ ତ୍ରୁଟି ନେଇ ପ୍ରଶ୍ନ ଉଠାଇଲେ ସାଂସଦ ପ୍ରଦୀପ ପୁରୋହିତ । ଧାନ ବିକ୍ରି ପଞ୍ଜିକରଣରୁ ବଞ୍ଚିତ ଚାଷୀଙ୍କ ପାଇଁ ତୁରନ୍ତ ବ୍ୟବସ୍ଥା କରାଯାଉ ବୋଲି ଦାବି କରିଛନ୍ତି ପ୍ରଦୀପ ପୁରୋହିତ ।
ସେ କହିଛନ୍ତି ଯେ, ତାଙ୍କ ଲୋକସଭା କ୍ଷେତ୍ର ବରଗଡ଼ ଓ ଝାରସୁଗୁଡା ଜିଲ୍ଲାର ଧାନ ବିକ୍ରି ପାଇଁ ପାଖାପାଖି ୫ ହଜାର ଚାଷୀ ପଞ୍ଜିକରଣ କରି ପାରିନାହାନ୍ତି ।ତେଣୁ ଏହି ଚାଷୀମାନେ କିପରି ମଣ୍ଡିରେ ଧାନ ବିକି ପାରିବେ । ସେନେଇ ବ୍ୟବସ୍ଥା କରିବାକୁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି । ଏହାସହ ମୋନ୍ଥା ବାତ୍ୟା ଲାଗି ବରଗଡ଼ ଓ ଝାରସୁଗୁଡା ଜିଲ୍ଲାର ଅନେକ ଚାଷୀଙ୍କ ଅମଳ ଧାନ ନଷ୍ଟ ହୋଇଯାଇଛି । ତେଣୁ ତୁରନ୍ତ ସେମାନଙ୍କୁ ଇନପୁଟ ସବସିଡି ପ୍ରଦାନ କରିବାକୁ ଦାବି କରିଛନ୍ତି । ଯେତେବେଳେ ବିଜେପି ଓଡ଼ିଶାର ଭାତହାଣ୍ଡି ବରଗଡର ସାଂସଦ ଏପରି ଉଦବେଗ ପ୍ରକାଶ କରିଛନ୍ତି । ତେବେ ଅନ୍ୟ ଜିଲ୍ଲାର ସ୍ଥିତି ସହଜରେ ଅନୁମେୟ ।