ପୁରୀ : ସଦରଥାନା ଅନ୍ତର୍ଗତ ମୁକୁନ୍ଦମିଶ୍ର ନଗରରେ ଏକ କାରକୁ ଦୁର୍ବୃତ୍ତ ମାନେ ପୋଡିଦେଇଛନ୍ତି । ସୂଚନା ମୁତାବକ ରାତି ୨ଟା ୩୦ ସମୟରେ ଖଣ୍ଡିଆବନ୍ଦର ୨ ଜଣ ଦୁର୍ବୃତ୍ତ ଆସି ସୁଶୀଲ ଖୁଣ୍ଟିଆଙ୍କ ଘର ଆଗରେ ଥିବା କାରଟିକୁ ନିଆଁ ଲଗାଇ ଫେରାର ହୋଇଯାଇଥିଲେ । ଯାହା କି ଘଟଣା ସମ୍ପୂର୍ଣ୍ଣ ସିସିଟିଭିରେ କଏଦ ହୋଇଛି । ସୁଶୀଲ ଖୁଣ୍ଟିଆଙ୍କ କହିବା ଅନୁଯାଇ ୨ ଜଣ ଦୁର୍ବୃତ୍ତ କୌଣସି କାରଣ ନେଇ ମୋ ନାତି ଦୀପକ କୁମାର ଖୁଣ୍ଟିଆକୁ ମର୍ଡ଼ର କରିଥିଲେ । ପରେ ସେମାନେ ଜେଲ ମଧ୍ୟ ଯାଇଥିଲେ ଏବେ ବାହାରକୁ ଆସି କେସକୁ କମ୍ପରମାଇଜ କରିବାକୁ ବାରମ୍ବାର ଧମକ ମଧ୍ୟ ଦେଉଛନ୍ତି । ସୁଶୀଲ କୁମାର ଖୁଣ୍ଟିଆ କମ୍ପରମାଇଜ ନକରିବାରୁ ବାରମ୍ବାର ଘର ଉପରକୁ ବୋମିଙ୍ଗ ମଧ୍ୟ କରିଥିଲେ । ସଦର ଥାନା ପୋଲିସକୁ ବାରମ୍ବାର ଜଣାଇବା ପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନାହିଁ ଯାହାଫଳରେ ଆଜି ରାତି ୨ ଟା ୩୦ ମିନିଟ ସମୟରେ ଆସି ଗେଟଟିକୁ ଭାଙ୍ଗିବା ସହ କାରଟିକୁ ସମ୍ପୂର୍ଣ୍ଣ ଜାଳିଦେଇଛନ୍ତି ।