ଘୁ ଉଦୟଗିରି:ଲଘୁଚାପ ଜନିତ ବର୍ଷା କାରଣରୁ ସ୍ଥାନୀୟ ବ୍ଲକ ଅଧିନରେ ଥିବା ଲିଙ୍ଗାଗଡ ପଞ୍ଚାୟତର ମୁଣ୍ଡାକାଙ୍ଗା ଗ୍ରାମର ୫ଜଣଙ୍କ ଘର କାନ୍ଥ ଭୁଶୁଡ଼ି ଯାଇଥିବା ଦେଖିବାକୁ ମିଳିଛି । ରାନୁମା ଦିଗାଲ, ଟିକେଶ୍ୱର ଦିଗାଲ, ସିଲପି ଦିଗାଲ, ରବିନ୍ଦ୍ର୍ର ପ୍ରଧାନ ସମେତ ଅନ୍ୟ ଜଣଙ୍କ ଘରର କାନ୍ଥ ଭାଙ୍ଗି ଯାଇଥିବା ଦେଖିବାକୁ ମିଳିଛି । ଖବର ପାଇ ସ୍ଥାନୀୟ ଆର୍ ଆଇ ଏବଂ ସରପଞ୍ଚ ଅବଲାକର ପ୍ରଧାନ ଉକ୍ତ ସ୍ଥାନକୁ ପହଞ୍ଚି ଘଟଣାର ଯାଞ୍ଚ କରିଥିଲେ ଓ ଆରଆଇଙ୍କ ଦ୍ୱାରା ସରକାରଙ୍କ ପକ୍ଷରୁ ପଲିଥିନ ପ୍ରଦାନ କରିଥିଲେ । ଲଘୁଚାପ ଜନିତ ବର୍ଷା ସକାସୁ କେଉଁ ସ୍ଥାନରେ ପୋଲ ଭାଙ୍ଗିଗଲାଣି ତ କେଉଁ ସ୍ଥାନରେ ବନ୍ୟା ଜଳ ଘେରରେ ସଙ୍କଟ ଅବସ୍ଥାରେ ଲୋକେ ରହିଛନ୍ତି । ତେବେ ବର୍ଷାର ପ୍ରବଳ ପ୍ରକୋପରେ ଜନସାଧାରଣ ଶିକ୍ଷା,ବ୍ୟବସାୟ,ସ୍ୱାସ୍ଥ୍ୟରେ ପ୍ରଭାବିତ ହେବା ସହ ଜନଜୀବନ ପ୍ରଭାବିତ ହେଉଥିବା ଗ୍ରାମବାସୀ ମତପ୍ରକାଶ କରିଛନ୍ତି ।