ପାଟଣାଗଡ଼ : ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଳକ ବହୁ ପ୍ରତିକ୍ଷିତ ନୂତନ ଚଙ୍ଗରିଆ ଗ୍ରାମ ପଞ୍ଚାୟତ ଗୃହ ଖପ୍ରାଖୋଲ ବିଡ଼ିଓ ରଶ୍ମୀରଞ୍ଜନ ରାଉତଙ୍କ କରକମଳରେ ଉଦଘାଟିତ ହୋଇଯାଇଛି । ଆୟୋଜିତ ଶୁଭ ଉଦଘାଟନ କାର୍ଯ୍ୟକ୍ରମରେ ସମ୍ମାନିତ ଅତିଥି ତଥା ଚଙ୍ଗରିଆ ସରପଞ୍ଚ ସୁଶିଲ କୁମାର ଗୁରୁ , ସହକାରୀ ସୌମ୍ୟରଞ୍ଜନ ଜୟପୁରୀଆ, ନାଏବ ସରପଞ୍ଚ ତରଣୀ ପୁଟେଲ, ୱାର୍ଡ ମେମ୍ବର ବିପିନ ବରିହା, ବିପିନ ମେହେର, ସତ୍ୟଭାମା ସାହୁ , ଧନମତୀ ଧରୁଆ, ରଶ୍ମୀତା ଷ୍ଟାଣ୍ଢ, ସୁକାନ୍ତି ବରିହା, ତେଜରାଜ ପ୍ରଧାନ, କାନ୍ତି ଦୀପ, କୁମ୍ବ କୁଅଁର, ଅଗସ୍ତି ଧରୁଆ ପ୍ରମୁଖ ଯୋଗଦେଇ ଥିଲେ । ଅଞ୍ଚଳର ବିଶିଷ୍ଟ ସମାଜସେବୀ ତଥା ପୂର୍ବତନ ଜିଲ୍ଲାପରିଷଦ ସଭ୍ୟ ତଥା ସରପଞ୍ଚ ସୁଶିଲ କୁମାର ଗୁରୁ ଓ ତାଙ୍କ ଧର୍ମପତ୍ନୀ ଯୋଗଦେଇ ପୂଜାର କର୍ତ୍ତା ଭାବେ କାର୍ଯ୍ୟ ନିର୍ବାହ କରିଥିବା ବେଳେ ସ୍ଥାନୀୟ ପୁରୋହିତ ପୂଜାର୍ଚ୍ଚନା କାର୍ଯ୍ୟ ତୁଲାଇଥିଲେ । ପଞ୍ଚାୟତର ବହୁ ମାନ୍ୟଗଣ୍ୟ ବ୍ୟକ୍ତି , ସମାଜସେବୀ ଯୁବରାଜ ବଗାର, ପୂର୍ବତନ ସମିତି ସଭ୍ୟ ଶରତ ବରିହା, ଲକ୍ଷ୍ମଣ ବରିହାଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ ।