ବୌଦ୍ଧ : ବୌଦ୍ଧ ଜିଲ୍ଲା ବିଜେପି ତରଫରୁ ଡଃ. ବି. ଆର୍. ଆମ୍ବେଦକରଙ୍କ ୧୩୨ ତମ ଜୟନ୍ତୀ ପାଳନ ଅବସରରେ ଜିଲ୍ଲାର ବିଭିନ୍ନ ବୁଥ, ମଣ୍ଡଳ ଓ ଜିଲ୍ଲା ସ୍ତରରେ ମହା ସମାରୋହରେ ପାଳନ ହୋଇଯାଇଛି । ଆଜିର କାର୍ଯ୍ୟକ୍ରମରେ ସକାଳେ ଡଃ. ବି. ଆର୍. ଆମ୍ବେଦକରଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସହିତ ବାପୁଜୀ ନଗରଠାରେ ହରିଜନ ବସ୍ତି ସଫା ସୁତୁରା କରିବା, ଲୋକମାନଙ୍କୁ କେନ୍ଦ୍ର ସରକାରଙ୍କ ବିଭିନ୍ନ ଜନହିତକର ଯୋଜନାର ସଫଳ କିପରି ଅନୁସୂଚିତ ଜାତି ଓ ଆଦିବାସୀଙ୍କ ପାଇଁ ଉଦିଷ୍ଟ ଓ ସଫଳ ରୂପାୟନ ହୋଇପାରିଛି, ବିଭିନ୍ ଉପଲବ୍ଧି ଉପରେ ଜନସାଧାରଣଙ୍କ ପାଖରେ ବାର୍ତ୍ତା ଦେବାସହ ଡଃ ଆମ୍ବେଦକରଙ୍କ ବ୍ୟକ୍ତିତ୍ୱ ଏବଂ କୃତିତ୍ୱ ଉପରେ ଆଲୋକପାତ କରିଥିଲେ ।
ଏହି କାର୍ଯ୍ୟକ୍ରମରେ ଜିଲ୍ଲା ଅନୁସୂଚିତ ଜାତି ମୋର୍ଚ୍ଚା ଜିଲ୍ଲା ସଭାପତି ରାଜୀବ କୁମାର ଦେହୁରୀଙ୍କ ସଭାପତିତ୍ୱରେ ଅନୁଷ୍ଠିତ ସମସ୍ତ କାର୍ଯ୍ୟକ୍ରମରେ ଜିଲ୍ଲା ବିଜେପି ସଭାପତି ବିପ୍ର ଚରଣ ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ । ବିଜେପିର ବରିଷ୍ଠ ନେତୃବୃନ୍ଦ ସର୍ବଶ୍ରୀ ଅଞ୍ଜନ କୁମାର ସାହୁ, ଅଲେଖ ଦେହୁରୀ, ଜଗନ୍ନାଥ ହାତୀ, କିଶୋର୍ ହାତୀ, ତପନ ହାତୀ, ବଳଭଦ୍ର ଭାବ ସାଗର, କୃଷ୍ଣ କୁମ୍ଭାର, ତ୍ରିନାଥ ଖାପର ଧୂଆ, ଅରୁଣ ଦୀପ, ରାମ ତାଣ୍ଡି, ସୁଧାଂଶୁ ଡାଙ୍ଗ, ଅଜିତ ବେହେରା, ଅରୁଣ ସେଠି ଓ ଅନ୍ୟାନ୍ୟ ବହୁ ଦଳୀୟ କର୍ମକର୍ତ୍ତାଙ୍କ ସହ ମଣ୍ଡଳ ସଭାପତିମାନେ ମଣ୍ଡଳ ସ୍ତରରେ ଉପସ୍ଥିତ ରହି ସମସ୍ତ୍ କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ ।