ଟାଙ୍ଗୀରୁ କରଞ୍ଜି ବାଇକ ଶୋଭାଯାତ୍ରା କରି ଶକ୍ତି ପ୍ରଦର୍ଶନ କଲା ବିଜେପି

କଟକ: କେନ୍ଦ୍ରାପଡା ସଂସଦୀୟ କ୍ଷେତ୍ର ତଥା ଟାଙ୍ଗୀ-ସାଲେପୁର ନିର୍ବାଚନ ମଣ୍ଡଳୀ ଅଧୀନ ବ୍ଲକ ମୁଖ୍ୟାଳୟ ଟାଙ୍ଗୀରୁ ରୋଡ଼ ଶୋ କରିଛନ୍ତି ବୈଜୟନ୍ତ ପଣ୍ଡା ଓ ଅରିନ୍ଦମ ରାୟ । ସାଙ୍ଗରେ ଥିଲେ ଲୋକସେବା ଫାଉଣ୍ଡେସନ ର ମୁଖ୍ୟ ହିମାଂଶୁ କୁମାର ମହାନ୍ତି । ଟାଙ୍ଗୀ ହାଇସ୍କୁଲ୍‌ ପଡିଆରେ ପାଞ୍ଚ ହଜାରରୁ ଉଦ୍ଧ୍ୱର୍ ଭାଜପା ସମର୍ଥକ ଏକତ୍ରିତ ହୋଇ ଉଭୟ ପ୍ରାର୍ଥିଙ୍କୁ ସ୍ୱାଗତ କରିଥିଲେ । ସୁବର୍ଣ୍ଣ ବାରାହୀ ମନ୍ଦିରରେ ପୂଜାର୍ଚ୍ଚନା ପରେ ବୈଜୟନ୍ତ ଓ ଅରିନ୍ଦମଙ୍କୁ ବିରାଟ ବାଇକ ଶୋଭାଯାତ୍ରାରେ କର୍ମୀମାନେ ନେଇଥିଲେ । ବାଇକ ଶୋଭାଯାତ୍ରାଟି କୋଟସାହି, କଂହେଇପୁର, ଶାଳଗାଁ, ଗରୁଡ ଗାଁ,ଦେଇ ସଫା ପଞ୍ଚାୟତର କରଞ୍ଜି ଗ୍ରାମରେ ଶେଷ ହୋଇଥିଲା । ଏହି ଶୋଭାଯାତ୍ରାରେ ବିଭିନ୍ନ ମଣ୍ଡଳର ସଭାପତି, ଭାଜପା ସମର୍ଥକ ଓ କର୍ମୀ, ସାମିଲ ହୋଇଥିଲେ ।