ବୌଦ୍ଧ : ବହୁବୃତ୍ତି ଶିକ୍ଷାନୁଷ୍ଠାନରେ ଚଳିତ ବର୍ଷର ନୂତନ ଛାତ୍ର ଛାତ୍ରୀ ଓ ଅଭିବାବକମାନଙ୍କୁ ନେଇ ସମସ୍ତ ଶିକ୍ଷକମାନଙ୍କ ଗହଣରେ ପ୍ରବେଶିକା ଉତ୍ସବ ଓ ଅନୁସ୍ଥାପନ କାର୍ଯ୍ୟକ୍ରମ ପାଳିତ ହୋଇଯାଇଛି । ଏହି ଉତ୍ସବରେ ମୁଖ୍ୟ ଅତିଥି ଭାବରେ ସୁଶାନ୍ତ କୁମାର ନାୟକ, ଜିଲ୍ଲା ନିୟୋଜନ ଅଧିକାରୀ ଭାବରେ ଯୋଗ ଦେଇଥିବା ବେଳେ ଡ.ଲକ୍ଷ୍ମୀଧର ଜେନା, ଅଧ୍ୟକ୍ଷ ସଭାପତିତ୍ୱ କରିଥିଲେ । ଏହି ସଭାରେ ଅଶୋକ କୁମାର ପଣ୍ଡା, ଆଶିଷ କୁମାର ସାହୁ, ଦେବବ୍ରତ ଘୋଷ, ଡ.ସଞ୍ଜୟ କୁମାର ପଣ୍ଡା, ପପୁନ ମିର୍ଦ୍ଧା, ସମ୍ବିତ କୁମାର ସାହୁ, ସୌମ୍ୟ ରଞ୍ଜନ କର୍ମୀ, ପ୍ରୀତିପ୍ରଜ୍ଞା, ଅଭିଜିତା ରାଉତରାୟ ପ୍ରମୁଖ ଶିକ୍ଷାନୁଷ୍ଠାନର ନୀତି, ଆଦର୍ଶ ଓ ଶିକ୍ଷା ପ୍ରଣାଳୀ ଉପରେ ଆଲୋକପାତ କରିବା ସହ ଚାରିତ୍ରିକ ଗଠନ ଓ ଅନୁଶାସନ ଉପରେ ବିଷଦ ଆଲୋଚନା କରିଥିଲେ । ଉତ୍ସବର ସଭାପତି ସମସ୍ତଙ୍କ ଛାତ୍ରଛାତ୍ରୀଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିବା ସହ ଶିକ୍ଷାନୁଷ୍ଠାନର ସୁନାମ ବୃଦ୍ଧି କରିବାକୁ ପରାମର୍ଶ ଦେଇଥିଲେ । ମୁଖ୍ୟ ଅତିଥି ବହୁବୃତ୍ତି ପଢିବା ଦ୍ୱାରା ନିଯୁକ୍ତି ସୁଯୋଗ ସୃଷ୍ଟି ହେବା ଉପରେ ଗୁରୁତ୍ୱ ଦେଇଥିଲେ । ଅତ୍ୟନ୍ତ ଆତ୍ମୀୟ ବାତାବରଣରେ ଏହି ଉତ୍ସବ ପାଳନ କରାଯାଇଥିଲା । ଏହି ଉତ୍ସବର ସୁପରିଚାଳନା ଓ ସଂଯୋଜନା ଇଂରାଜୀ ବିଭାଗୀୟ ମୁଖ୍ୟ, ଅମିତା ଯସ୍ମିନ ସ୍ମରଣିକା କରିଥିଲେ ।